DATU MITA 2 22:19 - Alkitab Singog In Mongondow Masa In Tanaa

¹⁹ nomanasaḷ in iko bo inumompá kon tayowon-Ku. Ginogondok-Kudon kon mohukum kon Yerusalem bo intaunea mita. Aidan-Ku kon kotá tatua in oontongon inta mokoondok, bo tangoi in Yerusalem in baḻíon-Ku tangoi kutukon. Táe naonda in kinodongoganmu in gogondok-Ku tatua, nongombaḷ in iko bo nomerak kon ḷambungmu nobaḻí tomponuot kon morobonoḷ in ginamu. Dinongog-Kudon in sambayangmu,

DATU MITA 2 22:19 Mawu Ofanana

DATU MITA IMITÁNEA 21:29

“Inontongmudon degá in ki Ahab nopoompá in dodia kon tayowon-Ku? Tuamai, diá-Kubí popoangoi in bodito kon bonu in sia mobiagpa. Bain kon dodai in ki adínea bo popoangoian-Ku in bodito tatua kon motoḷuadínea.”

DATU MITA 2 19:20

Onda intua nokidia in ki Yesaya in koyow kon i Datu Hizkia kon nobaḻí tubag in sambayang i datu,

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

DATU MITA 2 22:11

Nokodongogmai kon bonu in buk tatua, ki datu in nomera-merak kon ḷambungnea sin norobonoḷ in ginanea.

TAWARIKH 2 32:26

Táe imbuitnea ki Hizkia bo intau mita in Yerusalem sinumonsiupdon, dá kon bonu in ki Hizkia nobiagpa yo hukuman tatua in diábí pinopouma.

TAWARIKH 2 33:12

Kon bonu in roriganea tatua sinumonsiup in sia kon i Tuhan Allahnea, bo nosambayang nopoigum in totuḷung-Nea.

TAWARIKH 2 33:19

Kon bonu in buk Ouman in Nabi mita pinais domandon in sambayang i Manasye bo tubag i Allah kon sambayang tatua, bo ouman in dosanea mita kon dodai in sia diápa nogogai in nogaid kon dosa, tampat mita pososumbaan kon berhala bo patong mita i Dewi Asyera inta pinomianea, bo berhala mita inta sinumbanea.

TAWARIKH 2 33:23

Táe noyoposi i amánea, ki Amon in diábí sinumonsiup bo diá doman nobui mangoi kon i Tuhan; nodapotbí in sia in binara-baradosa nongkon i amánea.

TAWARIKH 2 34:27

iko in nomanasaḷ bo sinumonsiup kon tayowon-Ku. Akuoi in nogumandon kon Yerusalem bo intau mita inta nogutun kon tua, táe naonda in iko nokodongog kon onu inta pinotaau-Ku tatua nongombaḷ in iko bo nomerak kon ḷambungmu nobaḻí tomponuot kon morobonoḷ in dodobmu. Dinongog-Kudon in sambayangmu,

EZRA 10:1

Koyogot in ki Ezra nosambayang koomba-ombaḷ bo nongaku kon dosa kon tayowon in Baḷoi Tuhan, nobayong totok in intau in Israel in namangoi noyosipun, pinomayá ḷoḷaki andeka bobay bo adí mita. Mosia in iḻimibu kon inia poḷat doman nongombaḷ inimibo-ibogbí.

NEHEMIA 1:4

Nokodongogmai kon habar tatua, iḻimitú in akuoi bo nongombaḷ. Tongonumai nosinggai norobonoḷ totok in ginaku. Akuoi in umuran mopuasa poḷat mosambayang kon i Allah,

NEHEMIA 8:9

Nokodongogmai kon pinobacaan kon Hukum tatua, pinongoibu in rayat bo poḷat nongombaḷ. Dá ki gubernur Nehemia bo ki Imang Ezra inta nonotaau totok in Hukum tatua bo intau mita in Lewi inta noginsilang kon Hukum tatua, noguman kon bayongan in rayat nanaa, “Singgai naa in singgai inta mokudus kon i Tuhan Allahmu, dá dikadon pongoibúon andeka mongombaḷ.

MAZMUR 119:120

Akuoi in mourot popisí in moondok kon ini-Mu, ginaku in moondok kon atorang-Mu.

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

MAZMUR 51:17

O Tuhan, tuḷungaipa in akuoi mosingog, dá akuoi in modayowdon kon ini-Mu.

MAZMUR 51:19

Kuruban kon i Allah in ginabí inta norimumud, gina inta motoindudui bo notobat diábí inindoí-Mu.

IḶUAIAN 10:3

Dá ki Musa bo ki Harun minayá nokipodungkuḷ kon i datu bo noguman kon inia, “Ki Tuhan, Allah in bangusa Ibrani, noguman, ‘Dapot in toonu iko doí tumungkud kon i-Nakó? Pomayádon mako in umat-Ku mayá, sinbá mosia in motaau mayá moibada kon i-Nakó.

YESAYA 46:12

Indongogaidon in Akuoi, ei intau mita moḷoḷatú, moiko inta noguman kon kauntungan in noyayúpabí.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEREMIA 14:17

Ki Tuhan in nopotabá kon inakó nopotaau in robonoḷ in ginaku kon umat-Nea. Akuoi in mustibí moguman nanaa, “Biódon mako in akuoi mongombaḷ diá in gogainea, singgai doḷom tumomponggoḷuáanmai. Sin bangusaku in kinekeban modaḷom bo totokdon in mororiga.

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”

YEREMIA 36:13

Ki Mikhaya in nopotaau kon i monia, in bayongan inta binaca i Barukh kon Baḷoi Tuhan.

YEREMIA 36:24

Umpaka ki Elnatan, ki Delaya, bo ki Gemarya nopoigum totok sinbá ki datu diá motubá kon ḻitodan in buk tatua, táe doíbí in sia nokidongogmai kon i monia. Pinomayá datu andeka pojabat inta nokodongog kon tombonu in buk tatua diábí inangoian in ondok andeka inagían in manasaḷ.

YEREMIA 44:22

Ki Tuhan in diádon mokoigon in mokoontong mako kon i monimu moposumba in kuruban kon ilah mita ibanea. Aidmu tua in moraat bo mokooyá. Moiko in binaradosadon kon i Tuhan bo diá motoindudui kon parenta-Nea mita. Tuamai tanaa doman mako butámu ain norimumud dá diádon motaau pogutunan, bo tangoinea in pinakédon nobaḻí kutukan. Intau inta mokoontong in mokoningkimbí.”

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

PINOGIAPAN 25:6

Kon dodai in ki Musa bo bayongan in umat mogamuimai kon tayowon in Ḷoḷaigan i Tuhan, mosia in nokoontong kon intau in Israel tobatú nodia kon bobay in Midian tobatú sinumuot kon bonu in ḷoḷaigannea.

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.

HAKIM MITA 20:26

Dá buidon minayá in umat in Israel kon Betel bo nongombaḷ kon i Tuhan. Kon tua in mosia nopuasa nodapot in doḷom noposumba in kuruban pondamean bo kuruban payongon kon i Tuhan.

SAMUEL 1 24:5

Bo intau i Daud in nogumandon kon inia, “Naadon in kasampatan i Amá! Sin ki Tuhan aindon noguman kon i Amá nanaa, ‘Musungmu in posarakan-Kubí kon inimu, poaidon kon inia kinooibogmubí!’ ” Onda intua ki Daud inumadop bo minayá in tampat i Saul bo poḷat nomongkó kon topiḻikmai in bingkí in jubah i Saul.