DATU MITA 2 22:17 - Alkitab Singog In Mongondow Masa In Tanaa

¹⁷ Mosia in nonaḷámaidon kon i-Nakó bo noposumba in kuruban kon ilah mita ibanea. Bayongan inta inaidan monia tua in nokopomukádon kon torú-Ku. Akuoi in sinumorú kon Yerusalem, bo torú-Ku in diábí motaau poonowon.

DATU MITA 2 22:17 Mawu Ofanana

DATU MITA 2 21:22

Diábí in sia nobiag dinumudui kon ibog i Tuhan, noidapotbí in nonaḷámai in sia kon i Tuhan, Allah inta sinumba in mogoguyangnea.

TAWARIKH 2 28:25

Kon batúan in ḻipú bo kotá kon Yohuda noposindog in sia in tampat mita pososumbaan kon berhala sin potubaan kon dupa kon i dewa mita in bangusa ibanea. Aidnea tatua nokopomukádon kon torú i Tuhan, Allah in mogoguyangnea.

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

IḶUAIAN 32:34

Bayádon in tanaa, bo diádon in mosia kon tampat inta ain pinotaau-ku kon inimu. Malaekat-Ku in mokapit kon inimu, táe moiangoibí in wakutunea intau mita hukumon-Ku popisí in taḷá mita monia.”

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

YESAYA 5:25

Ki Tuhan in sinumorú kon bangusa-Nea. Sia in nosadiadon kon mohukum kon i monia. Buḷud mita in modandú, mayat mita posiyayit naonda bo apat kon daḷan. Táe ki Tuhan in sinumorúpabí bo tantúbí mohukum.

YEREMIA 17:27

Bayongan intua in mobaḻíbí aka moiko motoḷutui kon i-Nakó bo mopotondí in Singgai in Sabat kon i-Nakó. Dika mogakut kon pakakat onuka bo tumaḻib kon bonawang mita in Yerusalem kon singgai tatua. Aka moiko ḻimimpat kon parenta-Ku mita tatua, bonawang mita in Yerusalem bo komaḻignea mita in daiton-Ku turubon tuḷú tatua in diábí kopiongan.’ ”

YEREMIA 22:9

Bo intau in motubagbí kon bayongan intua in nobaḻí popisí in moiko ain nonoḻikudon kon dodandianmu takin-Ku, Allahmu, bo ain nosumba bo noibada kon ilah mita ibanea.”

YEREMIA 36:7

Dika-dika bo popisí in nokodongogdon bo mosia in mosambayangdon kon i Tuhan, bo mogogaidon in mogaid kon inta mongoraat. Ki Tuhan in sinumorú totok kon i monia bo nonindoyó kon i monia.”

YEREMIA 7:20

Akuoi, ki Tuhan Inta Totok in moḷantud, in mopoumabí in torú-Ku inta motoyang kon baḷoi pooibadaan tanaa, kon intau bo kon mahaḷuk, bo kon pangkoi mita in kayu bo kon bungai mita in boyó. Torú-Ku in tumaga-tagab naonda bo tuḷú inta diá kopiongan.”

MIKHA 5:13

Tugu mita i Dewi Asyera kon butámu in umpagon-Ku, bo kotámu mita inta oyúon in poḷoḷukadan in rimumudon-Ku.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

ZAKHARIA 1:2

Ki Tuhan in nopotabá kon inakó moguman nanaa kon umat-Nea, “Dungkuḷmai Akuoi, ki Tuhan Inta Totok in mokawasa, sinumorú totok kon mogoguyangmu.

ULANGAN 32:21

Pinomia monia in Akuoi nointoi kon inta deeman Allah, bo sinumorú kon patong in berhala monia. Dá binaḻí-Ku in umat-Ku nointoi kon inta deeman bangusa-Ku, bo sinumorú kon bangusa inta pompuḷong.

ULANGAN 32:22

Torú-Ku in moborambangdon naonda bo tuḷú inta momokak modapot kon dunia in intau minatoi. Tuḷú tatua in momokak kon bayongan in butá takin tombonunea, bo buḷud mita modapot in kon uakatnea mita.

ULANGAN 32:23

Tantú-Kubí popoangoi in bodito, Popiot-Ku in bayongan piot-Ku kon i monia.

TESALONIKA 1 2:16

Modapot in mosia moramuji totok in moḷamboi kon inami mopoyaput in Habar Mopia kon intau mita inta deeman Yahudi, Habar Mopia inta mokosaḷamat kon i monia. Intau mita in Yahudi tatua, umuran mogaid kon inta diá mopia kinobobúbí monia. Pangabisannea hukumon i Allah in mosia!