DATU MITA 2 21:5 - Alkitab Singog In Mongondow Masa In Tanaa

⁵ Kon bosimai in Baḷoi Tuhan posiḷosi tua pinoposindoganneadon in mezbah mita sin posumbaan kon tundi mita.

DATU MITA 2 21:5 Mawu Ofanana

DATU MITA IMITÁNEA 6:36

Kon muna in Baḷoi Tuhan tatua pinomiaan kon pelataran kon bonunea. Pelataran tatua in iḻibu in dinding inta noyogai-gaip: kon ḻimonik in pomuḷoi in toḷu nogaip in batu, tuduan in togaip in kayu ḷokuyú in Libanon.

DATU MITA IMITÁNEA 7:12

Dinding in palas in komaḻig bo dinding in palas kon bonu in Baḷoi i Tuhan takin dinding in baḷoi kon dotá in muna in Baḷoi i Tuhan, tumpaḷa inaipan in tumongo gaip in kayu ḷokuyú in Libanon kon tudu in pomuḷoi in toḷu nogaip in batu.

DATU MITA 2 23:12

Mezbah mita inta pinosindog in datu mita in Yohuda kon atop kon ḻimonik mita in gopot i Datu Ahas in irimumud. Ná doman tua in mezbah mita inta pinosindog i Datu Manasye kon bosí posiḷosi in Baḷoi Tuhan, irimumud i Yosia, bo iḷumbú kon Ḷopá in Kidron.

DATU MITA 2 23:4

Nopaḷut mako kon tua ki datu in nomarenta kon i Imang Moḷoben ki Hilkia, imang mita mogogopod bo moḷoḷukad inta nopobayá in oaidan kon ngara in Baḷoi Tuhan, sinbá mopoḷuai nongkon baḷoi tatua in bayongan pakakat inta pinaké posumbaan kon i Baal Dewi Asyera, bo tundi mita. Bayongan in pakakat mita tatua sinubá i Datu Yosia kon ḷuai in kotá kon diug in Ḷopá in Kidron, bo ḷobudnea in dinia kon Betel.

DATU MITA 2 23:5

Pinopogogaineadon in imang mita inta ain dinuí i datu mita in Yohuda sin mopobayá in oaidan kon tampat pososumbaan kon dewa kon kotá mita in Yohuda bo kon diugmai in Yerusalem; bo imang mita doman inta noposumba in kuruban kon i Baal, mata in singgai, buḷan, pakakat mita in ḷangit bo tundi mita.

DATU MITA 2 23:6

Patong mita i Dewi Asyera pinoḷuainea nongkon bonu Baḷoi Tuhan, bo dinia kon ḷuai in kotá kon Ḷopá in Kidron. Kon tua patong tatua sinubá, bo buingnea in dinodok kino rumomok, bo ḷobudnea in pinorarit kon tudu in poḷoḷobongan kon intau mita.

TAWARIKH 2 33:15

Iḷumbúnea in patong mita in dewa in bangusa mita ibanea bo berhala mita inta ain inukatnea kon Baḷoi Tuhan. Kinokainea in mezbah mita in berhala inta kon buḷud kon Baḷoi Tuhan, bo kon tampat mita ibanea kon Yerusalem. Tua komintan in dinianea kon ḷuai in kotá bo iḷumbú.

TAWARIKH 2 33:5

Kon posiḷosi in palas in Baḷoi Tuhan tatua noposindog in sia in mezbah mita sin posumbaan kon tundi mita.

TAWARIKH 2 4:9

Ki Datu Salomo in nomia doman kon dangkuḷon kon dotá in bonunea tampat in imang mita bo dangkuḷonnea kon dotá in ḷuai. Ḷoḻingkop mita kon ngara mita kon sigad in dangkuḷon doyowa tatua inaipan in bitú.

YEHEZKIEL 40:28

Noiduduimai kon tua ḷoḷaki tatua in nodia kon inakó nongin bonawang toḷatan sinumuot kon dangkuḷon kon bonunea. Sia in nogukur kon bonawang toḷatan tatua, bo ukurannea in notongkai in bonawang mita kon dotá in ḷuai.

YEHEZKIEL 40:32

Nopaḷut mako kon tua ḷoḷaki tatua in nodia kon inakó nongin bonawang pomukaan sinumuot kon palas kon dotá in bonunea. Sia in nogukur kon bonawang tatua bo ukurannea in notongkai in bonawang mita ibanea.

YEHEZKIEL 40:37

Yuangnea kon muna doman noitayow kon dangkuḷon kon ḷuai. Dinding mita kon dotá in bonunea inta noitayow kon lorong, iḷambáan in kurigan mita in pangkoi in palem. Waḷu notontangga in tukad mopobayá ná bonawang tatua.

YEHEZKIEL 40:47

Ḷoḷaki tatua in nogukur kon dangkuḷon kon bonunea. Notonggopat intua: kobanat bo kooḷadnea in toḷoḻima nopuḷú nometer. Baḷoi Tuhan tua in kon dotá in toyopan, bo kon tayowonnea oyúon in mezbah tobatú.

YEHEZKIEL 42:3

Sí tobatú in baḷoi tatua in noitayow kon dangkuḷon inta kooḷadnea in mopuḷú nometer tatua, bo sínea ibanea noitayow kon taḷog batu kon dangkuḷon kon ḷuai. Baḷoi tatua in toḷu noḷandakan; kon pomuḷoi in ḷandakan in mointo-intok nongkon ḷandakan inta kon ḻimonagannea.

YEHEZKIEL 43:5

Roho i Tuhan nobingkat kon inakó bo dinianea in akuoi kon dangkuḷon dotá in bonunea; kon tua inontongku in Baḷoi Tuhan inta kinawasa in sindar kinoangoian i Tuhan.

YEHEZKIEL 44:19

Aka mosia bo mayá in palas kon ḷuai, inta kon tampat pinoyosipunan in umat, yo imang mita tatua in mustibí moḷongkut kon ḷambung dinas monia kon bonu in gopot mita motusi kon Baḷoi-Ku, bo momaké in ḷambung ibanea, sinbá ḷambung inta ain sinantú tatua in diá mokobodito kon umat.

YEHEZKIEL 8:16

Dinia-Nea in akuoi kon dangkuḷon kon bonu in Baḷoi Tuhan. Kon diug in ngara tuotan kon yuang motusi, kon sigad in mezbah bo lorong, doyowa nopuḷú bo ḻima in intau. Mosia in nonoḻikud kon yuang motusi, bo dinumokó sinumayow kon pomukaan bo nosumba kon mata in singgai inta momuká.