DATU MITA 2 21:16 - Alkitab Singog In Mongondow Masa In Tanaa

¹⁶ Koḻikud in nokopopisí kon intau in Yohuda binaradosa kon i Tuhan pinongin nosumba kon berhala, ki Manasye in noḻimod doman kon nobayong totok in intau inta diá kotaḷá dá dugú in moiḻig kon bayongan in tampat kon Yerusalem.

DATU MITA 2 21:16 Mawu Ofanana

DATU MITA 2 21:11

“Ki Datu Manasye in moraatbí totok. Oaidnea in moraa-raat nongkon oaid in intau in Kanaan. Pinongin berhala mita inta pinomianea, sia in nokopopisídon kon intau in Yohuda binaradosa.

DATU MITA 2 21:15

Bayongan tua in aidan-Kubí kon umat-Ku sin mosia in binaradosadon kon i-Nakó bo nopomukádon in torú-Ku pinangkoipa kon mogoguyang monia iḻumuai nongkon Mesir noidapot in singgai naa.”

DATU MITA 2 21:2

Ki Manasye in binaradosa kon i Tuhan, sin dinumudui kon kabiasaan mita inta moraat in bangusa mita inta pinoguntun i Tuhan nongkon Kanaan kon dodai intau in Israel sinumuot kon butá tatua.

DATU MITA 2 21:7

Lambang i Dewi Asyera in sinagúnea kon bonu in Baḷoi Tuhan, bokaka soaḷ tampat tatua ki Tuhan in nogumandon kon i Daud bo kon i Salomo ki adínea ḷoḷaki, “Baḷoi-Ku bo Yerusalem naa, inta ain piniḻí-Ku nongkon sigad in butá in suku in Israel inta mopuḷú bo doyowa, in tampat inta ain sinantú-ku mobaḻí tampat pooibadaan kon i-Nakó.

DATU MITA 2 3:3

Tongá, ná ki Datu Yerobeam ki adí i Nebat inta nomarenta noiuna kon inia, sia in nokopopisí domandon kon intau in Israel binaradosa bo diá nogogai in nogaid kon natua.

TAWARIKH 2 33:9

Ki Manasye nokopopisí kon rayat in Yohuda nogaid kon dosa mita inta moraa-raat nongkon dosa inta inaidan in bangusa mita inta pinoguntun i Tuhan nongkon Kanaan kon tungkuḷ in umat i Tuhan sinumuot kon butá tatua.

IḶUAIAN 32:21

Sia in noguman kon i Harun, “Onudon in inaidan monia kon inimu nodapot in pinomayámudon mako in mosia nogaid kon dosa moḷoben tatua?”

AMSAL 6:16

Pitu in pelekara inta kinodoí i Tuhan bo inta diá motaau tongá pomayá-Nea mako: Dodia inta moḷoḷatú, bibig inta mosingog kon uboḷ, ḻima inta moḻimod kon intau diá kotaḷá, utok inta monomayá kon oaid mita inta moraat, sioḷ inta ḻimikat in mayá mogaid kon inta moraat, sakusi inta umuran monguboḷ, bo intau inta mokopomuká kon sosaturuan kon sigad in yobayat.

YEREMIA 15:4

Baḻíon-Ku in bayongan bangusa kon dunia mokoningkim in mokoontong kon i monia. Tua komintan aidan-Ku popisí in aid in Manasye ki adí ḷoḷaki i Hizkia kon Yerusalem kon tungkuḷ in sia nobaḻí datu in Yohuda.”

YEREMIA 19:4

Tua in aidan-Ku sin bangusa tanaa in nonaḷádon kon i-Nakó. Mosia in noponajisdon in tampat tanaa pinongin noposumba in kuruban kon dewa mita inta diá kinotaauan monia, kon i mogoguyang monia bo kon datu mita in Yohuda. Mosia in nomonu doman kon tampat tanaa in dugú in intau mita inta diá kotaḷá.

YEREMIA 2:34

Ḷambungmu in notamak in dugú in intau bogá bo in intau inta diá kotaḷá, deemanbí dugú in mononakow inta kinodomokan. Tongá umpaka natua,

YEREMIA 32:31

Pinangkoi kon kotá tanaa pinosindog, intaunea in nopomukádon kon torú-Ku. Dá sinantú-Kudon kon yopúon intua,

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

YEHEZKIEL 22:2

“Ei intau ilo-ilow, nosadiadon degá in iko in monisig kon kotá inta nopuḻing in pinoḻimodan tatua. Poontongdon kon inia in bayongan in aidnea inta mokorongó.”

YEHEZKIEL 23:45

Táe intau mita motoḷutui in monisigbí kon doyowa mogutat tatua noidoyon kon totuaḻingan bo pinoḻimodan, sin mosia in totuubí kon kotaḷá.”

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.

PINOGIAPAN 35:33

Aka aidan monimu in natua, yo moiko in nokoporomúdon kon butá inta pinogutunan monimu. Poḻimodan mokoporomú kon butá; dá diábí in aid ibanea mondarit in butá tatua koḻikudbí in monginggamá kon kobiagan in intau inta noḻimod tatua.

MATIUS 27:6

Imang mita itoi in nogamá kon doit tatua bo nosingog, “Doit tanaa in diábí motaau posumba kon i Allah, sin doit tanaa in boḻibí in nyawa.”

LUKAS 13:34

Yerusalem, Yerusalem! Nabi mita sinokoḻimodmu! Totabá mita i Allah sinokoarab monimu in batu nodapot in minatoi! Aindon kotongonu degá Akuoi in moibog mosipun kon intau mita inta kon kotámu, naonda bo ki iná in manuk mogoob kon i adínea mita, táe moiko in doíbí!

IBRANI 11:37

Mosia in inandur in batu nodapot in minatoi, oyúon doman in ginaragaji, bo oyúon doman iratá in pitow. Maya-mayá mako in mosia bo mopogiḷambung in ḷambung inta pinomia nongkon kuḻit in domba andeka kuḻit in bembé; mosia in nobiag nobogá, pinogutú bo iroriga mangoi.