Onda intua ki Rehabeam in minatoi bo iḷobong kon poḷoḷobongan kon datu mita kon kotá i Daud. Ki Abiam, ki adínea ḷoḷaki, nomaḷui kon inia nobaḻí datu.
Ki Manasye in umur 12 notaong kon dodai in sia nobaḻí datu in Yohuda, bo sia in nomarenta kon Yerusalem 55 notaong in koonggotnea. Ki inánea in ki Hepzibah.
Kon dodai in minatoi, ki Uzia in iḷobong kon butá kon diug in poḷoḷobongan kon datu mita, táe deemanbí kon poḷoḷobongan tatua, sin sia in pinanyaki kuḻit inta mokoondok. Ki Yotam ki adínea ḷoḷaki in nobaḻí datu nomaḷui kon inia.
Ki Hizkia in minatoi, bo iḷobong kon potakodan kon butá inta poḷoḷobongan kon datu mita. Bayongan in rayat in Yohuda bo Yerusalem nohoromat totok kon inia kon tungkuḷ in sia minatoi. Ki Manasye ki adínea ḷoḷaki in nobaḻí datu nomaḷui kon inia.