DATU MITA 2 20:20 - Alkitab Singog In Mongondow Masa In Tanaa

²⁰ Ouman ibanea kon i Datu Hizkia, kon onu mita in pinomianea inta mopia, bo naonda in pinogogaidnea kon tabang bo got in tubig sin mopoangoi in tubig kon kotá, tua komintan in pinaisdon kon bonu in buk Ouman in datu mita in Yohuda.

DATU MITA 2 20:20 Mawu Ofanana

DATU MITA IMITÁNEA 14:19

Ouman ibanea soaḷ ki Datu Yerobeam, pinomarentaannea bo tongganutnea noparang, ain pinais kon bonu in buk Ouman kon onu inta nobaḻí kon Datu mita in Israel.

DATU MITA IMITÁNEA 14:29

Ouman ibanea soaḷ ki Datu Rehabeam in pinaisdon kon bonu in buk Ouman in datu mita in Yohuda.

DATU MITA IMITÁNEA 15:23

Ouman ibanea inta nongonguman kon i Asa, soaḷ kobobaraninea bo kotá mita inta inirigonannea, aindon pinais kon bonu in buk Ouman in datu mita in Yohuda. Kon tungkuḷ in nogoguyangdon, ki Asa kinotugatan in takit kon sioḷnea doyowa nosimpaḷ.

DATU MITA IMITÁNEA 15:7

Ouman ibanea inta nongonguman kon i Abiam in pinaisdon kon bonu in buk Ouman kon inta nobaḻí kon datu mita.

DATU MITA 2 15:26

Ouman ibanea kon i Datu Pekhaya in pinais kon bonu in buk Ouman in Datu mita in Israel.

DATU MITA 2 15:6

Ouman ibanea kon i Datu Uzia in pinais kon bonu in buk Ouman in Datu mita in Yohuda.

DATU MITA 2 16:19

Ouman ibanea kon i Datu Ahas in pinais kon bonu in buk Ouman in Datu mita in Yohuda.

DATU MITA 2 18:17

Táe datu in Asyur tatua in nopotabádon mangoi nongkon Lakhis in tontara inta mobarong sin monubu kon Yerusalem. Tontara mita tatua in dinia in toḷu in porwira moḷantud, tobatú in tongguḷu totok in tontara, tobatú in mopoposadia in oinumon, bo tobatú in moḷoḷukad kon i datu. Naonda in noiyaput kon kotá tatua mosia in nogamá kon tampat kon gobá, inta sinangoian Gobá in Penatu kon diug in got inta ḷuaian in tubig nongkon tabang kon ḻimonikan.

DATU MITA 2 23:28

Ki Datu Yosia in minatoi kon pinoparangan kon Megido kon dodai in sia minayá nonubu kon Nekho, datu in Mesir, inta koyogot in namangoi takin tontaranea sin motuḷung kon datu in Asyur kon bingkí in Ongkag in Eprat. Mayat i Datu Yosia in ginamá in pogawainea mita bo dinia nobui pinotakoi kon kereta pinobayá in Yerusalem. Kon tua iḷobong in sia kon poḷoḷobongan in datu mita. Bo rayat in Yohuda in nomiḻí bo noduí kon i Yoahas ki adínea ḷoḷaki nobaḻí datu nonoḻiu kon inia. Ouman ibanea kon i Datu Yosia in pinais kon bonu in buk Ouman in Datu mita in Yohuda.

DATU MITA 2 8:23

Ouman ibanea soaḷ ki Yehoram in pinais kon bonu in buk Ouman in Datu mita in Yohuda.

TAWARIKH 2 32:24

Kon dodai intua ki Datu Hizkia in notakit. Takitnea tatua in moyoyigadon totok nodapot in sia gogiódon matoi. Sia in nosambayang, bo ki Tuhan in nobogoi in tomponuot kon inia kon sia in mopiabí.

TAWARIKH 2 32:3

sia takin pogawai mita bo porwiranea mita nonantúdon kon modimpot kon tampat mita in tubig kon ḷuai in kotá takin makusud sinbá intau mita in Asyur in diá mokouḻí kon tubig aka modapotdon in mosia kon diug in Yerusalem. Nobayong totok in intau pinotabá nodimpot kon bayongan in bobayáan tubig inta moiḻig ḷumuai in kotá.

TAWARIKH 2 32:30

Ki Datu Hizkia tuata inta nodimpot kon bokaká in tubig in Gihon, bo pinobayá pinongin daḷan in tubig kon ḻimonag in butá pinobayá in kotá in Yerusalem. Bayongan inta inaidan i Hizkia noḷapatbí.

TAWARIKH 2 32:32

Ouman ibanea kon i Datu Hizkia, bo tabinea kon i Tuhan in pinais kon bonu in buk Wahyu nongkon i Allah kon i Nabi Yesaya ki adí i Amos, bo kon bonu in buk Ouman in Datu mita in Yohuda bo Israel.

NEHEMIA 2:14

Onda intua nongkon dotá in pomukaan kotá, kami in nopobayá ná utuan, kon Bonawang in Tubig Moitampurang bo Tabang in Datu. Táe kon tua diá in daḷan motaau bayáan in keledai inta sinakoianku tua, sin nobayong totok in rumbunnea.