DATU MITA 2 20:13 - Alkitab Singog In Mongondow Masa In Tanaa

¹³ Ki Hizkia in notomu kon totabá mita tatua bo nopoontong kon i monia in bayongan in kooyúonannea, inta buḷawan bo saḷaka, pododungú mita bo ḷana mobondu, bo bayongan in pakakat in tontaranea. Diábí in tobatúmai in kon komaḻig bo kon bayongan in dodatuan nea inta diá pinoontong kon i monia.

DATU MITA 2 20:13 Mawu Ofanana

DATU MITA IMITÁNEA 10:10

Onda intua ki datu bobay nongkon butá in Syeba nobogoi kon i Salomo in tombuinag mita inta dinianea, inta noiḻiu kon 4.000 nokilo in buḷawan bo batu permata inta mobarong doman takin touḷut mita inta mongo bo mongobondu. Diá bidon kon dodai in onda in ki Salomo notarima kon touḷut mita mongo bo mongobondu inta námai tua in kobayong ná inta inogoi i datu bobay inta nongkon butá in Syeba tatua kon inia. (

DATU MITA IMITÁNEA 10:15

diápabí pinoyoiap in kauntungan mita nongkon podagangan bo pajak mita nongkon intau mita inta mododagang, datu mita in Arab bo gubernur mita in Israel.

DATU MITA IMITÁNEA 10:2

Namangoi in sia kotaki-takin in intaunea inta mobayong bo unta mita inta dinatogan in touḷut mita inta mongo bo mongobondu, batu permata, bo buḷawan inta mobarong totok. Kon dodai in noyodungkuḷ i Salomo, ki datu bobay tatua in nopoyaput in tangkí inta noyagi-yagimai onu in kotoropannea.

DATU MITA IMITÁNEA 10:25

Mosia kon batúannea in mamangoi takin kodia-dia in tombuinag kon i Salomo. Mosia mobogoi in pakakat mita saḷaka, buḷawan, ḷambung, ḷoḷutam, touḷut mita mongo bo mongobondu, kabaḷo bo bagal. Natuata in nobaḻí muḷoi in taong.

DATU MITA 2 20:14

Onda intua ki Nabi Yesaya in namangoi kon tayowon i Datu Hizkia bo noḻibó, “Nongkon onda in intau mita tatua? Onu in guman monia?” Ki Hizkia in notubag, “Mosia in nongkon Babel, butá inta noyayú.”

DATU MITA 2 20:15

“Onu in indoian monia kon komaḻig?” iḻibó bui i Yesaya. “Bayongan in yagi-yagi!” tubag i Hizkia. “Diábí in tobatúmai in kon bonu in pononagúan in komaḻig in diá pinoontongku kon i monia.”

MAZMUR 62:11

Dikabí mongamang mako kon onu inta agowon, bo dika mopongata in pakakat inagow. Nodapot in aka kaoyúonanmu modugang, dikabí tongádon kon tua in ginamu.

AMSAL 23:5

Sin, tongábí tokokiap monag in kapunyaanmu bo modait, naonda bo oyúon in koḻikipnea bo ḷumayug kon toḷungayá naonda bo ḷagapan boniá.

MOHOHUTUBA 7:20

Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

YESAYA 39:2

Ki Hizkia notomu kon totabá mita tatua takin pia in gina bo nopoontong kon i monia in bayongan in kaoyúonannea, inta buḷawan bo saḷaka, toyokayu mita bo ḷana mobondu, bo bayongan touḷut in tontaranea. Diábí in onuka in kon komaḻig bo kon sinangkub in dodatuan in diá pinoontongnea kon i monia.

YEREMIA 9:22

Mayat in noiukatdon magí-mako naonda bo apat kon tudu in butá; naonda bo gandum inta ain iratab bodongka sinaḷáan bo diádon sinipun bui. Tuata in koyow i Tuhan inta musti potaauku.”