DATU MITA 2 2:19 - Alkitab Singog In Mongondow Masa In Tanaa

¹⁹ Tongonumai intau in Yerikho namangoi kon i Elisa bo noguman, “Amá, ná inta ain inontong tontaní i Amá, kotá tanaa in mopia, táe tubignea in diábí mopia bo mokopopisí kon bobay mita inta nonogusian, koukaian.”

DATU MITA 2 2:19 Mawu Ofanana

DATU MITA IMITÁNEA 16:34

Kon tungkuḷ in pinomarentaan i Ahab, kotá in Yerikho pinosindogdon bui i Hiel intau in Betel. Táe ná inta ain pinoguman muna i Tuhan pinongin i Yosua ki adí i Nun, ki Hiel kinobuḻian i adínea doyowa: ki Abiram inta guya-guyang in minatoi kon dodai in ki Hiel nogukatdon kon pondasi in kotá, bo ki Segub inta ai-ai in minatoi kon dodai in ki Hiel noposindogdon in bonawang mita in kotá tatua.

DATU MITA IMITÁNEA 18:13

Degá diápa kinodongogan i Amá kon tungkuḷ in ki Izebel noḻimod kon nabi mita i Tuhan, yo 100 nongkon i monia in binuniku kon bonu in angob – 50 in intau in kon bonu in angob tobatú – bo nobogoi in kaanon bo inumon?

DATU MITA IMITÁNEA 18:7

Kon yuak in daḷan ki Obaja noyodungkuḷ i Elia. Naonda in kinotaauannea kon ki Elia intua, sinumungkud in ki Obaja nohoromat kon inia bo noḻibó, “Totuu kon ki Amá inta ki Elia in naa?”

DATU MITA 2 2:18

Bo nobuidon mangoi in mosia kon i Elisa inta nogoḷat mako kon Yerikho. “Ain pinogumanku kon donaaidon mayá in moiko!” guman i Elisa kon i monia.

DATU MITA 2 2:20

“Pogamádon kon palo inta nobagupa,” guman i Elisa, “bo bonuai in simuton.” Dá diniadon mangoi monia kon inia onu inta pinoigumnea tatua.

IḶUAIAN 15:23

Bo nodapotdon in mosia kon tampat inta tangoinea Mara, táe tubig kon tua mopait totok, dá diá motaau inumon. Tuamai tampat tatua sinangoian Mara, mangaḻenea pait.

IḶUAIAN 23:26

Kon butá monimu diábí kouḻían kon bobay inta koukaian andeka bantó. Moiko in ogoian-Kudon in kobiagan moumur.

IḶUAIAN 7:19

Ki Tuhan noguman kon i Musa, “Potabádon in ki Harun mogamá kon tungkudnea bo potonggó kon bayongan tubig in Mesir, kon got mita bo kon tabang mita inta kon butá in Mesir. Tubignea in mobaḻídon dugú, bo kon bayongan butá tatua in komintandon oyúon dugú, nodapot in tubig mita kon bonu in pononionan mita kon tubig inta pinomia nongkon kayu bo tampayang mita inta nongkon batu.”

HOSEA 9:14

Onu degá in musti igumonku kon ini-Mu kon intau mita tatua? Baḻídon in bobay mita monia mobantó! Baḻídon in mosia diá mokopoteté kon i adí monia!

PINOGIAPAN 12:11

sia in noguman kon i Musa, “Tuḷungaipa kaasí, Tuangku, donaaipa pomayá mako in kami mosikisa popisí in dosa nami inta noidoyon kon bodok nami.

ULANGAN 28:11

Moiko in ogoianbí in adí mobayong. Bobiagonmu in mobaḻíbí mobayong bo bungai in boyó kon butámu in mobarongbí totok kon butá inta pinodandi i Tuhan kon mogoguyangmu kon ogoi kon inimu.

TIMOTIUS 1 5:17

Itoi mita in jamaat inta nopobayá in oaidannea notompia, patusbí in sia ogoian in ponghargaan kodua noguntuḷ in kopianea. Torutama mosia inta morajing totok in motundú bo mopoyaput in Habar Mopia.

YOSUA 6:17

Bayongan in kotá takin tombonunea musti daiton monimu payongon mobaḻí sosumba kon i Tuhan. Tongá ki Rahab, bobay sundaḷ takin ginaḷumnea in pomayádon mako in mobiag, sin sia in notuḷungdon kon toimata mita naton.

YOSUA 6:26

Kon dodai intua ki Yosua nopoḷuai in parenta nanaa, “Ki inekabí in moḷongasi moposindog bui in kotá in Yerikho tanaa, yo kotugatan in kutuk i Tuhan. Ki ine in momia kon datoḷannea yo kopatoianbí in adínea guya-guyang; bo ki ine in mopoguḻit in ḷoḻingkopnea mita yo kopatoianbí in adínea muit.”