DATU MITA 2 2:12 - Alkitab Singog In Mongondow Masa In Tanaa

¹² Inontong i Elisa intua bo nomaḷú in sia, “Elia, Amáku! Amáku! Moḷoḷukad kon Israel inta motorindog! Diádon in ki Amá!” Dá diádon inontong i Elisa in ki Elia. Takin robonoḷ in dodob ki Elisa nomerak kon jubahnea nosilai doyowa,

DATU MITA 2 2:12 Mawu Ofanana

KINOBAḺIAN 37:34

Ki Yakub nomerak kon pakeangnea sin norobonoḷ totok in ginanea bo sia in nogiḷambung norondí. Pomuḷoi in singgai sia in mogamuimai mongombaḷ sin kinopatoian i adínea tatua.

KINOBAḺIAN 5:24

Pinopisí in ki Henokh umuran nobiag modagin kon i Allah, dá diádon in sia kon dunia naa sin diniadon i Allah.

DATU MITA 2 13:14

Kon singgai tobatú ki Nabi Elisa in notakit moyoyiga, bo ki Datu Yoas in namangoi noindoi kon inia. Naonda in inontongnea kon ki Elisa in motoyongdon matoi, ki datu tatua in nongombaḷ bo noguman, “Amáku, Amáku, inta mototuḷung moḷoben in Israel!”

DATU MITA 2 2:13

bo nopuyut kon jubah i Elia inta noḷabú. Nopaḷut mako kon tua nobui in sia bo sinimindog kon bingkí in Ongkag in Yordan,

DATU MITA 2 5:13

Táe bobantungnea mita in dinimiug kon inia bo noguman, “Tuang, akakuma bo ki Tuang in potabá mogaid kon oaidan inta mobogat, yo notantúbí kon aidanbí doman i Tuang. Apa doman tanaa tongábí in sia nokipoinggú kon i Tuang sinbá mopia!”

DATU MITA 2 6:21

Naonda in inontong i datu in Israel in intau mita in Siria, noḻibó in sia, “Elisa, degá ḻimodonku in intau mita tanaa?”

AYUB 22:30

Ki Allah in motuḷungbí kon inimu aka diá in iko kotaḷá, bo aka mogaid in iko kon inta kinoibog-Nea.”

AMSAL 11:11

Barakat in intau motuḻid in gina mokogaga kon kotá; tosingogon in intau moraat mokogoguyaat kon inia.

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

MOHOHUTUBA 7:19

Hikmat in mokodugang kon itoginea moropot moiḻiu kon pongawasa mopuḷú kon kotá tobatú.

YESAYA 37:15

bo nosambayang, kainia,

YESAYA 37:21

Noiduduimai kon tua ki Yesaya nokidia in koyow kon i Datu Hizkia kon nobaḻí tubag kon sambayang i datu,

YESAYA 37:4

Datu in Asyur ain nopotabá in porwiranea moḷantud sin moningkuḻe kon i Allah inta nobiag. Dika-dika bo ki Tuhan ain nokodongog kon singkuḻe tatua bo mohukum kon i monia inta nosingog kon tua! Tuamai in posambayangdon kon i Allah kon kopontingan in intau mita naton inta nobiagpa.”

MARKUS 16:19

Naonda in ki Yesus nopaḷut nongonguman monia, Sia sinintakdon minayá in soroga. Kon tua, Sia momarenta takin i Allah.

LUKAS 2:15

Naonda in malaekat mita tatua nonaḷámai kon i monia sin nobuidon kon soroga, gombala mita tatua noyosingog. Nanaa in yosingog monia tua, “Koḻigai bá mayá in Betlehem in kita bo moindoi kon onu inta ain nobaḻí kon tua, ná inta ain pinoguman i Tuhan kon i naton.”

LUKAS 24:51

Koyogotpa in Sia nomarakat, indoianmai yo noibingkatdon in Sia minayá in soroga, bo noitondídon in Sia kon i monia.

YOHANES 3:13

Diábí in tobatúmai intau inta nokoimontandon namonik in soroga, koḻikudbí in Sia inta ain noponag kon dunia naa, Sia tuata in ki Adí Intau.

OUMAN IN RASUL MITA 1:9

Naonda in nosingog mako kon tua in Sia, Sia in biningkatdon namonik in soroga koonto-ontongpa mako monia tua. Bo kinooḻingoiandon in goḷom in Sia dá diádon inontong monia.

OUMAN IN RASUL MITA 27:24

Bo noguman, ‘Dika moondok, Paulus! Sin moyotayowbí i Kaisar in iko. Bo totuubí kon popisí in totabi i Allah kon inimu dá bayongan in intau kon kapaḷ tanaa inta noyotakinmu mosaḷamatbí komintan.’

OUMAN IN RASUL MITA 8:2

Bayongan in intau inta mongoondok kon i Allah noḷobong kon i Stepanus bo totok monia inuangan in sia.

KORINTUS 2 5:2

Kon wakutu in kon baḷoipa tatua, kita in umuranbí mogamui sin moibogdon totok mogutun kon baḷoi naton inta kon soroga.

KORINTUS 2 5:4

Sin wakutu in kon baḷoipa ilo-ilow naa, kita tantú mogamui sin mobogat totok in roriga inta moiantug. Deemanbí igu-igumon mako kon bá matoidon in awak naton ilo-ilow naa, táe lantaranbí moibogdon mokorasa kon kobiagan inta kon soroga tua, sinbá kobiagandon in mongawasa kon awak naton inta ilo-ilow naa.

EPESUS 4:8

Sin kon bonu in Buk Motusi ain pinais nanaa, “Wakutu in Sia namonik in tampat inta totok in moḷantud, Sia nodia kon intau mobayong inta sinokodomok; bo Sia in nobogoi in totabi mita kon intau.”

WAHYU 11:12

Onda intua nabi doyowa tatua in nokodongogdon kon singog moropot inta nogoiní nongkon soroga, “Koḻigai onikdon in naa!” Bo koonto-ontongdon doman in saturu monia, mosia namonikdon in soroga kooḻi-oḻiung in goḷom.

HAKIM MITA 17:10

Ki Mikha noguman, “Pogutundon takinku kon naa, sinbá iko in mobaḻí monononggina bo imang nami. Bain ogoianku iko in mopuḷú in doit saḷaka pomuḷoi in taong, bo pakeang takin kaanon.”