DATU MITA 2 19:26 - Alkitab Singog In Mongondow Masa In Tanaa

²⁶ Intau mita inta nogutun kon tua in diádon kodaya, noitaḻikokog in mosia bo inagían in ondok. Mosia in naonda bo bonok kon payoyan andeka bonok inta nobiag kon tudu in atop, inta moingkag aka irupon in tompot in pomukaan inta mopatú.

DATU MITA 2 19:26 Mawu Ofanana

KINOBAḺIAN 41:23

Bo nobiag domandon in batoḷ in gandum pitu inta nongo kepa bo noḷaot domandon sin iruponmai in tompot in pomukaan.

KINOBAḺIAN 41:6

Noiduduimai kon tua nobiag doman monik in batoḷ in gandum pitu ibanea, inta nokepa bo noḷaotdon sin inirup in tompot in pomukaan.

MAZMUR 102:11

sin Iko in nobuatdon bo nopogambat kon inakó kon bonu in torú-Mu inta sinumaga-tagab.

MAZMUR 127:1

Dondong i Salomo. Aka deeman ki Tuhan in noposindog in baḷoi, yo diábí in mangaḻe in mogogimoknea mita mogaid. Aka deeman ki Tuhan in moḷukad kon kotá, yo diábí in mangaḻe in poḷukadan in moḷoḷukad.

MAZMUR 92:7

Intau bodok in diábí mokodoḷop, intau dondunguḷ in diábí mokotaau kon tua.

YESAYA 13:8

Mosia komintan koaputan in ondok inta motoyang, bo momaḻikotad sin monakit naonda bo bobay inta koyogot in mononggadí. Mosia in mosiindoian takin ḻia-ḻiaw in gina, pogotnea in mosimpuya popisí in mooyá.

YEREMIA 37:10

Aka kuma bo moiko in mokotaḷow kon bayongan in tontara in Babel modapot in inta kinotaḷáan in dongkadon intau mita inta kinekeban modaḷom kon bonu in ḷoḷaigan monia, táe mosia in mobangonbí bo monurub modapot in mopayong in kotá tanaa.’ ”

YEREMIA 51:30

Tontara in Babel in nogogaidon in noparang bo nogutun kon benteng mita. Mosia in noinggamádon in barani bo diádon kodaya. Bonawang mita in kotá dinangatandon, bo baḷoi mita in sinurub.

YEREMIA 51:32

Tampat ḷoḷoḷanan iḻitúandon in musung, bo benteng mita poḷoḷukadan in sinurub. Tontara in Babel diádon kotaauan monia onu in aidan.

PINOGIAPAN 11:23

Tubag i Tuhan, “Diábí in moiḻiu kon kawasa-Ku! Ḷagi bidon ontongonmu kon onu inta siningog-Ku tua in totu-totuubí kon mobaḻí andeka diá!”

PINOGIAPAN 14:9

Dikabí moḷawang kon i Tuhan, bo dika moondok kon intau inta nogutun kon butá tatua, sin diábí moyoyiga naton in monaḷow kon i monia. Inta noḷukad kon i monia tua aindon nonaḷámai kon i monia, bo ki Tuhan in kotaki-takin naton. Dá, dikabí moondok.”

MATIUS 10:27

Onu inta pinoguman-Ku kon i monimu kon dodai in doḷom musti buion monimu poguman dodai in singgai mobayagdon, bo onu inta pinogombong kon bongoḷanmu, yo popotaaudon kon bayongan in intau!

PETRUS 1 1:24

Kon bonu in Buk Motusi pinaisdon nanaa: “Bayongan in intau kon dunia naa naonda bo bonok, bo bayongan in kamuliaannea naonda bo bungai in bonok. Bonok moḷaḷow, dá bungainea in mototak doman;