DATU MITA 2 19:22 - Alkitab Singog In Mongondow Masa In Tanaa

²² Kinotaauanmu degá mongo ki ine in sinibáanmu bo pinopoompámumai tatua? Akuoi, Allah in Israel, Allah inta motusi! Mokaḷakuang totok in dodiamu kon i-Nakó.

DATU MITA 2 19:22 Mawu Ofanana

DATU MITA 2 19:4

Ki Datu in Asyur in nopotabádon in porwiranea moḷantud tobatú sin mopoompámai kon i Allah inta nobiag. Dika-dika bo kinodongogandon i Tuhan Allahmu in singog nopoompámai tatua, bo mohukumdon kon i monia inta nosingog tatua! Tuamai in posambayangdon kon i Allah sin kobiagan in intau mita naton inta nobiagpa.”

DATU MITA 2 19:6

ki Yesaya in nopotabá kon totabá mita tatua mopotaau in tubag tanaa, “Ki Tuhan in noguman, ki Tuang Datu in dikabí moondok in mokodongog kon tosingogon in bobantung mita i datu in Asyur tatua kon ki Tuhan in diábí mokoposaḷamat kon i naton.

MAZMUR 71:22

Akuoi in modayowbí kon ini-Mu takin gambus, sin Iko in mosatia, o Allahku. Akuoi in moibogbí mopodondong in dondong dodayow kon ini-Mu takin kecapi, o Allah mokudus in Israel.

MAZMUR 73:9

Mosia in mohojat kon i Allah kon soroga, bo mongambungangaḷ kon intau mita kon dunia,

MAZMUR 78:41

Mopobui-buimai in mosia monungkuḷ kon i Allah, moposusamai kon i Inta Mokudus, ki Allah in Israel.

IḶUAIAN 5:2

“Ki ine in ki Tuhan tua?” iḻibó i datu. “Nongonu sin pandungonkubímai in Sia bo mobogoi kon bangusa Israel mayá? Diábí kinotaauanku in ki Tuhan tua, bo intau mita Israel in diábí ogoiku mayá.”

IḶUAIAN 9:17

Umpaka natua, iko umuranpabí doman mosiḷantud bo diápa doman ogoimu mayá in umat-Ku.

AMSAL 30:13

Oyúon in intau in dumuí kon mopia totok in sia – nádomai tua in kopopianea!

YESAYA 10:13

Datu in Asyur mongambungangaḷ, kainia, “Tua komintan inaidanku pinongin kawasaku tontaní. Akuoi in mobijaksana bo mopandoi. Pinopatanku in sigad mita in bangusa mita, bo inagowku in tongkaaḷ monia. Naonda bo bantong akuoi in noritak kon intau mita inta nomarenta.

YESAYA 10:15

Táe ki Tuhan in noguman, “Degá motaau in boḻiung in dumodia kon intau inta mopomaké kon inia? Degá garagaji in moponti-ponting in intau inta nopomaké kon inia? Deemanbí bobobak in nobuat kon intau, táe intaubí in motonggó kon bobobak.”

YESAYA 30:15

Ki Tuhan Inta Totok in moḷantud, ki Allah mokudus in israel, noguman kon umat-Nea, “Pogogaidon mogaid kon diá mopia bo tantúdon koonow in gina, dá moiko in posaḷamaton-Ku. Popirisayadon kon i-Nakó pongin gina inta moodom, dá moiko in iropotan-Ku.” Táe moiko in doíbí!

YESAYA 5:24

Moiko in nondoídon kon totundú i Tuhan Inta Totok in mokawasa, bo noningkuḻe kon parenta i Allah inta mokudus in Israel. Tuamai, ná onda bo wawa bo bonok noingkag nodait nopokak kon bonu in tuḷú, natua doman in uakatmu mita mobongkogdon, bungangmu mita moingkag bo modait irupon in tompot.

YEREMIA 51:5

Akuoi, ki Tuhan, Allah Inta Totok in mokawasa, Allah inta mokudus in Israel, diábí monaḷámai kon Israel bo Yohuda, umpakabí mosia ain binaradosa kon i-Nakó.

DANIEL 8:11

Nodapotbí in sia nonontot kon itoi in tontara in soroga, nopogogai in kuruban sosumba muḷoi in singgai inta pinosumba kon itoi in tontara tatua, bo nogumpag kon baḷoi pososumbaan kon inia.

KORINTUS 2 10:5

kami in momutoḷ kon tomayá mita inta diá mopia bo mogumpag kon onu inta pinosindog noidoyon kon kaḷakuang in intau sin pomayow kon ibog monotaau kon i Allah. Bo mopotaḷá in raian in intau mita inta diá mopia bo aidan sinbá moitungkud kon tayowon i Kristus.

TESALONIKA 2 2:4

Takin kaḷakuang sia in moḷawang bo dumodia kon bayongan inta sinumba in intau, ande bayongan ilah inta inanggap in intau ki Allah. Modapot in sia ḻimitú kon bonu in Baḷoi i Allah bo mongaku kon sia tua kain in ki Allah.