DATU MITA 2 18:5 - Alkitab Singog In Mongondow Masa In Tanaa

⁵ Kon sigad in bayongan datu in Yohuda, pinomayá inta noiuna andeka inta noidudui kon i Hizkia, diábí in ná sia. Sia in mopirisaya kon i Tuhan, Allah in Israel,

DATU MITA 2 18:5 Mawu Ofanana

DATU MITA 2 18:19

Porwira tobatú in Asyur tatua in noguman kon i monia, “Poyaputdon kon i Hizkia in tosingogon i datu Asyur tanaa: ‘Nongonu sin iko in tumangoibí moropot?

DATU MITA 2 19:10

Nanaa in bonu in surat tatua, “Dika koakaḷan in dandi i Allahmu inta pongatamu tua kon iko in diábí moḷabú kon bonu in ḻimaku.

DATU MITA 2 23:25

Diápa kon dodai in onda in datu in ná ki Datu Yosia inta nogundoi kon i Tuhan takin ḻimbatú in ginanea, bo noponiata intua kon kobobiag bo aidnea, podudui in bayongan in hukum inta kon bonu in buk i Musa. Naonda in noiduduimai kon i Datu Yosia, diá bidon in datu in ná sia tua.

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

TAWARIKH 2 20:35

Kon singgai tobatú ki Yosapat datu in Yohuda nomia kon yoyobayatan takin i Ahazia datu in Israel, inta nogaid kon nobayong in aid moraat.

AYUB 13:15

Nopoḷok bidon in raianku sin diádon in kamang! Aka ki Allah in moḻimod kon inakó, diábí nongonu, tongá belaankupa in oaidku kon tayowon-Nea.

MAZMUR 13:5

Dika pomayá mako in musungku in moguman kon mosia in nonaḷowdon kon inakó. Dikabí pomayá mako in akuoi goḷokapan monia.

MAZMUR 84:12

Sin ki Tuhan Allah in moḷoḷukad naton bo datu inta moḷantud, inta noponotabi kon inaton in tabi bo kahoromatan. Sia in diábí kon dodai in onda in nondoí kon onuka in mopia kon intau inta kobobiagnea diá in bogit.

YESAYA 36:7

Noiduduimai kon tua porwira in Asyur tatua noguman, “Andeka degá moiko in moguman kon moiko in umandoḷ kon i Tuhan Allahmu? Kon dodai in ki Hizkia nomarenta sinbá intau in Yohuda bo Yerusalem tongá moibada kon tayowon in mezbah kon Yerusalem, yo inta iyompatnea tua in mezbahbí bo tampat mita pososumbaan kon i Tuhan tontaní?

YESAYA 38:3

“Tuhan, toropdon kon akuoi in nogundoidon kon ini-Mu takin motoindudui bo motuḻid in gina. Akuoi in umuran moḷongasi dumudui kon ibog-Mu.” Bo ki Hizkia in nongombaḷ totok.

MATIUS 27:43

Sia moharap mako kon i Allah mamangoi. Pomayá mako sinbá ki Allah in mamangoi bo moposaḷamat kon i-Nia, aka koibog i Allah in Sia! Sin Sia aindon nongaku kon Sia kaín in ki Adí i Allah.”

EPESUS 1:12

Koḻigai in kita inta muna-munamai moharap kon i Kristus, modayow kon i Allah sin oaidan-Nea inta totok in moḷoben!