DATU MITA 2 18:27 - Alkitab Singog In Mongondow Masa In Tanaa

²⁷ Tubag in porwira tatua, “Eta tongá kon i monimu bo kon i datumu in pinopotabáan kon inakó i datu in Asyur kon mopotaau in bayongan in tanaa? Diá! Akuoi in moyosingog takin rayat inta iḻimitú kon dinding tatua, inta moyotakin monimu mokaan kon taainea tontaní bo monginum kon tapangnea tontaní.”

DATU MITA 2 18:27 Mawu Ofanana

DATU MITA 2 18:17

Táe datu in Asyur tatua in nopotabádon mangoi nongkon Lakhis in tontara inta mobarong sin monubu kon Yerusalem. Tontara mita tatua in dinia in toḷu in porwira moḷantud, tobatú in tongguḷu totok in tontara, tobatú in mopoposadia in oinumon, bo tobatú in moḷoḷukad kon i datu. Naonda in noiyaput kon kotá tatua mosia in nogamá kon tampat kon gobá, inta sinangoian Gobá in Penatu kon diug in got inta ḷuaian in tubig nongkon tabang kon ḻimonikan.

DATU MITA 2 18:26

Bo ki Elyakim, ki Sebna, bo ki Yoah in noguman kon porwira tatua, “Tuang, tumonsingogdon in Aram aka moyosingog nami, komangaḻeanbí nami. Dika momaké in tosingogon in Ibrani, sin komangaḻeandon in rayat inta kon tudu in dinding kotá tatua.”

DATU MITA 2 18:28

Onda intua porwira tatua in sinimindog bo nomaḷú nomaké in tosingogon in Ibrani, “Indongogaidon onu inta pinoguman i datu in Asyur:

DATU MITA 2 6:25

bo nokopopisí kon nomukádon in gogoy motoyang kon kotá, nodapot in uḷu in keledai tobatú boḻinea in doyowa nopuḷú in doit saḷaka bo doyowa no ons in taai in paḷoma ḻima in doit saḷaka.

MAZMUR 73:8

Mosia in morebeg bo moposingo-singogmai, bo takin ḷoḷatú mosia in mogogondok bo mondorot.

YESAYA 36:12

Tubag in porwira in Asyur tatua, “Eta tongá kon i monimu bo kon i datumu tontaní in pinopotabáan i datu in Asyur kon inakó sin mopotaau in bayongan naa? Akuoi in mosingog doman kon rayat inta iḻimitú kon dinding tatua, inta moyotakin monimu mokaan kon taai monia tontaní bo monginum kon tapangnea tontaní.”

OMBAḶ 4:4

Adí mita mointok in diábí pinoteté, dá minatoi in rogang. Mongoadí mita moigum kon kaanon, táe diá in mobogoi.

OMBAḶ 4:5

Mosia inta nobiasa nokaan kon kaanon inta mopia, bo nobiag kon bonu in kaoyúonan, tanaa in kumuádon in motayak kon kaanon kon yoyatan, bo minatoi in gogoy kon daḷan mita.

YEHEZKIEL 4:13

Ki Tuhan in noguman, “Natuata in aidnea intau in Israel kon singgai moiduduimai mokaan kon kaanon inta pinoton podudui in hukum i Musa, kon dodai in mosia iḷumbú-Ku kon butá mita in intau.”

YEHEZKIEL 4:15

Dá ki Allah in noguman, “Mopia, nobaḻí toḻiu in taai in intau, iko in motaaubí momaké in taai in sapi sin potubáan kon rotimu.”