DATU MITA 2 18:26 - Alkitab Singog In Mongondow Masa In Tanaa

²⁶ Bo ki Elyakim, ki Sebna, bo ki Yoah in noguman kon porwira tatua, “Tuang, tumonsingogdon in Aram aka moyosingog nami, komangaḻeanbí nami. Dika momaké in tosingogon in Ibrani, sin komangaḻeandon in rayat inta kon tudu in dinding kotá tatua.”

DATU MITA 2 18:26 Mawu Ofanana

DATU MITA 2 18:18

Bo nomaḷú in mosia nogoiní kon i Datu Hizkia. Dá pogawai i Hizkia taya toḷu in iḻumuai nokipodungkuḷ kon i monia. Pogawai taya toḷu tatua in ki Elyakim adí i Hilkia tongguḷu in motoḷuadí kon komaḻig, ki Sebna momomais in negara, bo ki Yoah ki adí i Asap momomais in komaḻig.

DATU MITA 2 18:25

Kai monimu kamai kami naa in monubu bo monaḷow kon butámu in diábí in totuḷung i Tuhan? Ki Tuhanbí tontaní in nopotabá kon inami monubu bo morimumud kon tua!”

DATU MITA 2 18:27

Tubag in porwira tatua, “Eta tongá kon i monimu bo kon i datumu in pinopotabáan kon inakó i datu in Asyur kon mopotaau in bayongan in tanaa? Diá! Akuoi in moyosingog takin rayat inta iḻimitú kon dinding tatua, inta moyotakin monimu mokaan kon taainea tontaní bo monginum kon tapangnea tontaní.”

DATU MITA 2 18:37

Dá ki Elyakim, ki Sebna, bo ki Yoah in nomerak kon ḷambung monia nobaḻí tomponuot kon morobonoḷ in dodob monia, bo minayá nopotaau intua kon i datu in onu inta ain siningog in porwira in Asyur tatua.

EZRA 4:7

Ná doman tua in kon pinomarentaan i Artahsasta, kaisar in Persia, tua in nobaḻí bui: ki Bislam, ki Mitredat, ki Tabeel bo yobayat mita monia in nomais kon surat kon i datu. Surat tatua in pinais kon bonu in tosingogon in Aram, bo musti terjemahan kon dodai in bacaan.

YESAYA 22:15

Ki Tuhan Inta Totok in moḷantud bo Inta Totok in mokawasa nopotabá kon inakó nokipodungkuḷ kon i Sebna, kitogi totaau in tombonu in baḷoi kon komaḻig, sin mopotaau kon inia in koyow i Tuhan tanaa,

DANIEL 2:4

Mosia in notubag kon bonu in singog in Aram, “Kobiagdon Tuangku modapot in mononoi! Oumandon in togoindop tatua kon inami, dá insilangandon nami in mangaḻenea.”