DATU MITA 2 18:24 - Alkitab Singog In Mongondow Masa In Tanaa

²⁴ Umpaka tongá monayow kon porwira nami inta totokkabí in moompá, yo moiko nion in diá bidon in mangaḻenea. Táe moiko in mogoḷatpa doman mako kon Mesir in mokidia mangoi in totuḷung kereta in parang bo tontara inta tumakoi kon kabaḷo!

DATU MITA 2 18:24 Mawu Ofanana

KINOBAḺIAN 50:9

Rombongan inta sinumakoi kon kereta bo inta sinumakoi kon kabaḷo sinumakin doman, dapot in pipidan intau mita inta sinumakin totok in moḷanggó.

DATU MITA IMITÁNEA 20:10

“Ki datu nami in mopotabádon mangoi in tontara inta mobayong totok sin morimumud kon kotámu, modapot in ḷobud kinogoguyaatan in kotámu tatua koakutan monia modait tongábí momaké in ḻima monia. Sia in nongibot sinbá dewa mita mohukum, nodapot doman in moḻimod kon inia, aka diá in sia momia kon tua!”

DATU MITA 2 18:21

Totuubí kon iko nion in mogoḷatbí mako kon totuḷung in Mesir, táe tua in notongkaibí in ná noponungkud in pangkoi in padang; dika-dika moputoḷ in tungkud tatua bo moiturak in ḻimamu. Natuata in dodia in datu in Mesir kon bayongan intau inta mogoḷat mako kon totuḷungnea.’ ”

DATU MITA 2 18:23

Tanaa in podoyon kon tangoi i datu in Asyur mokobaḻíbí in akuoi monantú kon aka ogoiandon in moiko in 2.000 in kabaḷo, yo notantú bidon kon diádon tugat in intau monimu in tumakoi kon kabaḷo natua in kobayongnea!

DATU MITA 2 18:25

Kai monimu kamai kami naa in monubu bo monaḷow kon butámu in diábí in totuḷung i Tuhan? Ki Tuhanbí tontaní in nopotabá kon inami monubu bo morimumud kon tua!”

YESAYA 10:8

Sia in dinumodia, gumannea, “Tongguḷu in tontaraku mita in komintanbí datu!

YESAYA 30:1

Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 31:3

Intau in Mesir tongábí intau, deemanbí Allah. Kabaḷo monia in biagbí biasa, deemanbí ná ki Allah. Aka ki Tuhan mopoaid in oaidan-Nea, bangusa inta mototuḷung tatua in moipintudbí bo bangusa inta sinuḷungannea in moḷabúbí. Dá taya dua tua in tumpaḷa moyopú.

YESAYA 36:6

Totuu kon iko in umandoḷ mako kon totuḷung in Mesir, táe tua in notongkaibí in moponungkud in pangkoi in padang; – bá moputoḷ in tungkud tatua bo ḻimamu in moiturak. Natuata in aid in datu in Mesir kon bayongan intau inta umandoḷ mako kon inia.’ ”

YESAYA 36:9

Umpaka tongá monayow kon porwira in Asyur inta totok in moompá yo moiko nion in deemanbí ḷawangnea. Tongá moiko in moharap doman mako kon Mesir in mokidia in bantungan kereta in parang bo tontara mita inta tumakoi kon kabaḷo!

YEREMIA 37:7

noguman nanaa kon totabá i Datu Zedekia: “Pogumandon kon i Zedekia, ‘Tontara in Mesir inta nion tayo-tayow mangoi sin motuḷung kon inimu, in momurowbí bo mobui.

YEHEZKIEL 17:15

Táe datu in Yohuda nomarontak bo poḷat nopotabá in totabá minayá in Mesir sinbá mokouḻí kon kabaḷo bo tontara mobayong. Degá kodapotannea intua? Degá pomayá mako in sia mosaḷamat? Diábí doman sia inta nonoḻikud kon dodandian bo diá popoḷabúan in hukuman!

YEHEZKIEL 17:17

Nodapotbí in tontara mita in Mesir inta motoyang tua, diábí mokotongod in motuḷung kon inia nongkon pinonubuan in intau mita in Babel inta nonontontudu kon butá bo nongaḻi kon got mita sin moḻimod kon intau mobayong.

YEHEZKIEL 29:6

Dá kotaauandon in bayongan in rayat in Mesir kon Akuoibí in ki Tuhan.” Ki Tuhan in noguman, “Ei bangusa in Mesir! Intau in Israel in mogoḷat mako kon totuḷungmu, táe noniata magí iko nion in tongábí tungkud inta noḷukó

DANIEL 4:22

Oo, Tuangku, ki Tuangkubí in pangkoi in kayu inta moḷantud bo moropot tatua. Koḷoḷoben i Tuangku modugang modapot in ḷangit bo kawasa i Tuangku in moiyoyanú modapot kon popod in dunia.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.