DATU MITA 2 18:23 - Alkitab Singog In Mongondow Masa In Tanaa

²³ Tanaa in podoyon kon tangoi i datu in Asyur mokobaḻíbí in akuoi monantú kon aka ogoiandon in moiko in 2.000 in kabaḷo, yo notantú bidon kon diádon tugat in intau monimu in tumakoi kon kabaḷo natua in kobayongnea!

DATU MITA 2 18:23 Mawu Ofanana

DATU MITA IMITÁNEA 20:10

“Ki datu nami in mopotabádon mangoi in tontara inta mobayong totok sin morimumud kon kotámu, modapot in ḷobud kinogoguyaatan in kotámu tatua koakutan monia modait tongábí momaké in ḻima monia. Sia in nongibot sinbá dewa mita mohukum, nodapot doman in moḻimod kon inia, aka diá in sia momia kon tua!”

DATU MITA IMITÁNEA 20:18

Ki Benhadad in nomarenta sinbá tontara in musung tatua domokon kobia-biag, diá bidon pandungonmai mongo mamangoi in mosia moparang andeka mamangoi moyodame.

DATU MITA 2 18:22

Noiduduimai kon tua porwira in Asyur tatua in noguman, “Andeka degá moiko in mosingog kon moiko in moharap mako kon i Tuhan, Allahmu? Kon dodai in ki Hizkia nomarenta kon bá intau in Yohuda bo Yerusalem in tongá bidon moibada kon tayowon in mezbah kon Yerusalem, yo inta iyompatnea tua in mezbah bo tampat mita posumbaan kon i Tuhan tontaní.

DATU MITA 2 18:24

Umpaka tongá monayow kon porwira nami inta totokkabí in moompá, yo moiko nion in diá bidon in mangaḻenea. Táe moiko in mogoḷatpa doman mako kon Mesir in mokidia mangoi in totuḷung kereta in parang bo tontara inta tumakoi kon kabaḷo!

SAMUEL 1 17:42

Táe naonda in sia nokoontong kon i Daud bo nonaridimai, kinumosing totok in ki Goliat bo mopoonagmai sin noguodpa totok in ki Daud bo moḷunat.

SAMUEL 1 17:44

Bo buipa doman in sia nonontot kon i Daud, kainia, “Angoidon in naa! Awakmu nion in pokaanonkudon kon ḷagapan bo mahaḷuk.”