DATU MITA 2 18:19 - Alkitab Singog In Mongondow Masa In Tanaa

¹⁹ Porwira tobatú in Asyur tatua in noguman kon i monia, “Poyaputdon kon i Hizkia in tosingogon i datu Asyur tanaa: ‘Nongonu sin iko in tumangoibí moropot?

DATU MITA 2 18:19 Mawu Ofanana

DATU MITA 2 18:17

Táe datu in Asyur tatua in nopotabádon mangoi nongkon Lakhis in tontara inta mobarong sin monubu kon Yerusalem. Tontara mita tatua in dinia in toḷu in porwira moḷantud, tobatú in tongguḷu totok in tontara, tobatú in mopoposadia in oinumon, bo tobatú in moḷoḷukad kon i datu. Naonda in noiyaput kon kotá tatua mosia in nogamá kon tampat kon gobá, inta sinangoian Gobá in Penatu kon diug in got inta ḷuaian in tubig nongkon tabang kon ḻimonikan.

DATU MITA 2 18:22

Noiduduimai kon tua porwira in Asyur tatua in noguman, “Andeka degá moiko in mosingog kon moiko in moharap mako kon i Tuhan, Allahmu? Kon dodai in ki Hizkia nomarenta kon bá intau in Yohuda bo Yerusalem in tongá bidon moibada kon tayowon in mezbah kon Yerusalem, yo inta iyompatnea tua in mezbah bo tampat mita posumbaan kon i Tuhan tontaní.

DATU MITA 2 18:5

Kon sigad in bayongan datu in Yohuda, pinomayá inta noiuna andeka inta noidudui kon i Hizkia, diábí in ná sia. Sia in mopirisaya kon i Tuhan, Allah in Israel,

DATU MITA 2 19:10

Nanaa in bonu in surat tatua, “Dika koakaḷan in dandi i Allahmu inta pongatamu tua kon iko in diábí moḷabú kon bonu in ḻimaku.

MAZMUR 4:2

O Allah, Ikobí in mododuḷuku; tubagaibí aka akuoi mokuani. Kon dodai in akuoi inumaan in susa; sinuḷungan-Mu in akuoi; dá tanaa kotabipa kaasí in akuoi bo indongogaipa in sambayangku.

YESAYA 36:4

Porwira in Asyur noguman kon i monia, “Potaaudon kon i Hizkia in tosingogon i datu Asyur tanaa, ‘Nongonu sin moyakinbí totok in iko kon moropot

YESAYA 36:6

Totuu kon iko in umandoḷ mako kon totuḷung in Mesir, táe tua in notongkaibí in moponungkud in pangkoi in padang; – bá moputoḷ in tungkud tatua bo ḻimamu in moiturak. Natuata in aid in datu in Mesir kon bayongan intau inta umandoḷ mako kon inia.’ ”

YESAYA 36:7

Noiduduimai kon tua porwira in Asyur tatua noguman, “Andeka degá moiko in moguman kon moiko in umandoḷ kon i Tuhan Allahmu? Kon dodai in ki Hizkia nomarenta sinbá intau in Yohuda bo Yerusalem tongá moibada kon tayowon in mezbah kon Yerusalem, yo inta iyompatnea tua in mezbahbí bo tampat mita pososumbaan kon i Tuhan tontaní?

YESAYA 37:10

datu in Yohuda. Nanaa in bonu in surat tatua, “Dika koakaḷan in dandi i Allah inta pongatamu tatua kon iko in diá moḷabú kon bonu in ḻimaku.

YESAYA 37:13

Kon onda degá in datu mita in kotá in Hamat, Arpad, Separwaim, Hena bo Iwa?”

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”