DATU MITA 2 18:17 - Alkitab Singog In Mongondow Masa In Tanaa

¹⁷ Táe datu in Asyur tatua in nopotabádon mangoi nongkon Lakhis in tontara inta mobarong sin monubu kon Yerusalem. Tontara mita tatua in dinia in toḷu in porwira moḷantud, tobatú in tongguḷu totok in tontara, tobatú in mopoposadia in oinumon, bo tobatú in moḷoḷukad kon i datu. Naonda in noiyaput kon kotá tatua mosia in nogamá kon tampat kon gobá, inta sinangoian Gobá in Penatu kon diug in got inta ḷuaian in tubig nongkon tabang kon ḻimonikan.

DATU MITA 2 18:17 Mawu Ofanana

DATU MITA 2 18:16

Buḷawan kon ngara mita in Baḷoi Tuhan bo inta ain pinoḷutud i Hizkia tontaní kon ngara mita in ḷoḻingkop, in ginamánea poḷat pinoki atodnea doman kon i Sanherib.

DATU MITA 2 19:23

Iko in nopotabá mangoi in totabá takin ambungangaḷ in singog kon takin bayongan in kereta in parangmu nopotungkudon in iko in buḷud mita inta totok in mongoḷantud kon Libanon. Iko in dinumodiadon kon iko in nomupuḷ kon pangkoi mita in ḷokuyúnea inta totok in moḷantud bo inta totok in mopia bo poḷat irumudak kon kayuonnea mita inta totok in apow.

DATU MITA 2 19:6

ki Yesaya in nopotabá kon totabá mita tatua mopotaau in tubag tanaa, “Ki Tuhan in noguman, ki Tuang Datu in dikabí moondok in mokodongog kon tosingogon in bobantung mita i datu in Asyur tatua kon ki Tuhan in diábí mokoposaḷamat kon i naton.

DATU MITA 2 20:20

Ouman ibanea kon i Datu Hizkia, kon onu mita in pinomianea inta mopia, bo naonda in pinogogaidnea kon tabang bo got in tubig sin mopoangoi in tubig kon kotá, tua komintan in pinaisdon kon bonu in buk Ouman in datu mita in Yohuda.

TAWARIKH 2 12:4

Sia in nogagow kon kotá mita inta oyúon in dinding kon Yohuda bo minayá nodapot in Yerusalem.

TAWARIKH 2 32:9

Diá noonggot nongkon tua naonda in ki Datu Sanherib takin tontaranea kon Lakhispa, nopotabá in sia in totabá namangoi kon i Hizkia bo rayat in Yohuda kon Yerusalem sin mopotaau in koyow tanaa,

YESAYA 20:1

Podudui in parenta i Sargon, datu in Asyur, panglima in tontara in Asyur nonubu kon Asdod, kotá tobatú in Pilistin.

YESAYA 36:2

Nopaḷut mako kon tua sia in nopotabá kon porwiranea moḷantud nongkon Lakhis minayá in Yerusalem moyotakin in tontara mobayong sin monuntut sinbá ki Datu Hizkia in tumungkud. Mosia in noiyaput in kotá tatua bo nogamá kon tampat kon gobá inta sinangoi Gobá in Momomatá, kon diug in got inta mogiḻig kon tubig nongkon tabang kon ḻimonikan.

YESAYA 7:3

Ki Tuhan in noguman kon i Yesaya, “Diadon in ki adímu ki Syear Yashub bo bayádon pokipodungkuḷ kon i Datu Ahas. Iko in moyodungkuḷneabí kon popod in got in tabang kon ḻimonikan, kon pomomataan in momomatá mita.