DATU MITA 2 18:15 - Alkitab Singog In Mongondow Masa In Tanaa

¹⁵ Tuamai, bayongan in saḷaka kon Baḷoi i Tuhan bo kon bonu in kas in komaḻig pinoki atod i Hizkia kon Sanherib.

DATU MITA 2 18:15 Mawu Ofanana

DATU MITA IMITÁNEA 15:15

Bayongan in buḷawan bo saḷaka inta ain pinosumba i amánea kon i Tuhan, dinianea kon Baḷoi Tuhan, ná doman tua in buḷawan bo saḷaka inta sosumbanea tontaní.

DATU MITA 2 12:18

Dá ki Yoas in nokidia in doit potobut kon inia. Doit tatua in nouḻínea nongkon bayongan in sosumba inta koḻipod ain inogoi i Yoas tontaní kon i Tuhan bo i Yosapat, i Yoram bo i Ahazia, datu mita inta nomarenta noiuna kon inia. Bo nongkon bayongan doman buḷawan kon bonu in kas in Baḷoi Tuhan bo komaḻig in datu. Dá diá notuoi nonubu in ki Hazael kon Yerusalem.

DATU MITA 2 12:19

Onda intua pogawai mita in komaḻig in Yohuda noyosingog moḷawang kon i Datu Yoas. Doyowa in intau kon sigad monia tua, inta ki Yozakar adí i Simeat, bo ki Yozabad adí i Somer, noḻimod kon i Yoas kon baḷoi tobatú inta pinosindog kon tudu in butá inta binonturung kon dotá in pomukaan kon Yerusalem, bo daḷan mosiḻig kon Sila. Ki Yoas in iḷobong kon poḷoḷobongan kon datu mita kon kotá i Daud. Ki Amazia ki adínea in nobaḻí datu nomaḷui kon inia. Ouman ibanea soaḷ ki Datu Yoas in pinais kon bonu in buk Ouman in Datu mita in Yohuda.

DATU MITA 2 16:8

Ki Ahas in nogamá doman kon buḷawan bo saḷaka nongkon Baḷoi Tuhan, takin kapunyaan in komaḻig, bo pinoki dia nobaḻí tombuinag kon i datu in Asyur tatua.

DATU MITA 2 18:16

Buḷawan kon ngara mita in Baḷoi Tuhan bo inta ain pinoḷutud i Hizkia tontaní kon ngara mita in ḷoḻingkop, in ginamánea poḷat pinoki atodnea doman kon i Sanherib.

TAWARIKH 2 16:2

Dá ki Datu Asa in nogamá kon buḷawan bo saḷaka nongkon Baḷoi Tuhan bo kon komaḻig in datu, bo pinoki dianea kon Damsyik kon i Benhadad datu in Siria takin koyow nanaa,

YESAYA 39:2

Ki Hizkia notomu kon totabá mita tatua takin pia in gina bo nopoontong kon i monia in bayongan in kaoyúonannea, inta buḷawan bo saḷaka, toyokayu mita bo ḷana mobondu, bo bayongan touḷut in tontaranea. Diábí in onuka in kon komaḻig bo kon sinangkub in dodatuan in diá pinoontongnea kon i monia.