DATU MITA 2 17:39 - Alkitab Singog In Mongondow Masa In Tanaa

³⁹ Duduiaidon in Akuoi, ki Tuhan Allahmu, dá poḷuaton-Kudon in moiko nongkon musung mita monimu.”

DATU MITA 2 17:39 Mawu Ofanana

DATU MITA 2 17:36

Horomatbí in Akuoi, ki Tuhan, inta ain nodia kon i monimu iḻumuai nongkon Mesir takin kawasa inta moḷoben; sumbadon in Akuoi bo posumbadon in kuruban kon i-Nakó.

DATU MITA 2 17:38

Bo dika ḻiongon monimu in dodandian kon sigad-Ku bo i monimu.

DATU MITA 2 17:40

Táe intau mita in Samaria tatua in doíbí mokidongog; mosia in umuranbí kumadai kon adat kabiasaan monia.

NEHEMIA 9:27

dá pinosarakan-Mudon in mosia kon musungnea inta takin raat in nongawasa bo nondorot kon i monia. Táe kon bonu in roriga inta noiantug, mosia in nokuani kon ini-Mu nopoigum in totuḷung. Nongkon soroga inindogogan-Mu; takin tabi moḷoben sinubagan-Mu. Pinotabá-Mu mangoi in itoi bo intau mita mobarani inta nopoḷuat kon i monia nongkon musung.

YEREMIA 10:7

Ki ine in doí mopirisaya kon ini-Mu, datu in bayongan bangusa? Totuu, Iko in patusbí totok in horomaton. Nongkon bayongan inta mopandoi kon sigad in bangusa mita bo nongkon bayongan in datu mita monia, diábí in tobatúmai in motaau popotongkaian kon ini-Mu o Tuhan.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

LUKAS 1:50

Sia umuran mobogoi in totabi-Nea kon bayongan intau inta moondok kon i-Nia.

LUKAS 1:71

Sin in mopoposaḷamat kon i naton nongkon saturu mita naton bo nongkon kawasa in intau mita inta moyaat in gina kon i naton.

SAMUEL 1 12:24

Horomatdon in ki Tuhan bo pogundoidon kon i-Nia takin satia takin ḻimbatú in ginamu. Toropdon in aid-Nea mita inta moḷoben inta ain inaidan-Nea kon inimu.

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”