DATU MITA 2 17:29 - Alkitab Singog In Mongondow Masa In Tanaa

²⁹ Táe intau mita inta nogutun kon Samaria tua in umuranbí doman momia kon berhala mita monia tontaní bo ukaton monia kon kuil inta pinosindog in intau in Israel inta dungkuḷmai nogutun kon kotá tatua. Kon batúan in suku momia kon berhalanea tontaní kon kotá inta pinogutunan monia:

DATU MITA 2 17:29 Mawu Ofanana

DATU MITA IMITÁNEA 12:31

Ki Yerobeam in noposindog domandon in tampat pososumbaan ibanea kon tudu mita in buḷud, bo noduí doman in sia kon imang mita nongkon sigad in motoḷuadí mita inta deeman suku in Lewi.

DATU MITA IMITÁNEA 13:32

Onu inta ain pinogumannea pinodoyon kon parenta i Tuhan kon mezbah inta kon Betel tatua bo kon bayongan tampat pooibadaan kon kotá mita in Samaria tua in notantúbí kon mobaḻí.”

DATU MITA 2 17:28

Dá imang in Israel, inta ain dinia nongkon Samaria pinobayá in Asyur, in nobui bo nogutun kon Betel. Kon tua in sia notundú kon rayat kon naonda in pososumba kon i Tuhan.

MIKHA 4:5

Bayongan in bangusa kon dunia naa in mosumba bo motoindudui kon dewanea tontaní. Táe kita in motoinduduibí kon i Tuhan Allah naton bo mosumba kon i-Nia modapot in mononoi.

SURAT I PAULUS KON JAMAAT RUM 1:23

Deemanbí ki Allah inta mononoi in sumbáan monia, táe patongbí inta ná batangan in mahaḷuk mita inta mato-matoipabí; umpamanea: intau, ḷagapan, mahaḷuk mita inta opat in sioḷnea, bo mahaḷuk mita inta ḷumandai in mayá.