DATU MITA 2 17:25 - Alkitab Singog In Mongondow Masa In Tanaa

²⁵ Kon tungkuḷ in mosia momangkoidon mogutun kon tua diábí in mosia mohoromat kon i Tuhan; tuamai in ki Tuhan nopoangoi in singa mita sin modomok kon tongosilai in intau nongkon i monia.

DATU MITA 2 17:25 Mawu Ofanana

DATU MITA IMITÁNEA 13:24

bo minayádon in nabi tatua. Kon yuak in daḷan sinontomu in sia in singa tobatú bo dinomok pinatoi. Awaknea in noitongkob kon daḷan, bo keledainea in sinimindog mako kon diugnea. Singa tatua in sinimindog doman mako kon tua.

DATU MITA IMITÁNEA 20:36

Bo nabi tatua in noguman, “Popisí in iko in diá motoindudui kon parenta i Tuhan, dá domokon in singa in iko naonda in mobui nongkon naa.” Totuu. Naonda in sia minayá nongkon tua, dinomok in singa tobatú in sia.

DATU MITA 2 17:26

Bo pinotaau in intau kon i datu in Asyur kon intau mita inta sinampatnea kon kotá mita in Samaria in diá nonotaau kon hukum mita in dewa kon butá tatua. Tuamai in dewa tatua nopoangoidon i singa sin modomok kon i monia.

DATU MITA 2 17:28

Dá imang in Israel, inta ain dinia nongkon Samaria pinobayá in Asyur, in nobui bo nogutun kon Betel. Kon tua in sia notundú kon rayat kon naonda in pososumba kon i Tuhan.

DATU MITA 2 17:32

Koḻikud in mosumba kon dewa mita tatua, mosia in mosumba doman kon i Tuhan. Mosia in momiḻí doman kon sigad monia in noyagi-yagimai in intau sin mopobayá in oaidan imang sin moposumba in kuruban kon kuil mita in berhala.

DATU MITA 2 17:34

Umaai in singgai naa mosia in umuranpabí doman mopobayá in adat kabiasaan monia. Mosia in diábí moibada kon i Tuhan bo diá doman motoindudui kon hukum mita bo parenta-Nea mita inta inogoi-Nea kon buí i Yakub, inta sinangoian-Nea doman Israel.

DATU MITA 2 17:41

Dá, mosia in mosumba kon i Tuhan, táe mosumbabí doman kon berhala mita monia. Dapotpabí doman in singgai naa in buí monia tantúpa doman momia kon natua.

DATU MITA 2 2:24

Ki Elisa in nobobui bo inimindoi kon i monia bo nogodi-godi kon i monia pinodoyon kon tangoi i Tuhan. Kon dodai doman intua iḷumuaidon in beruang kobaayan doyowa nongkon kayuon bo nomera-merak kon opat nopuḷú bodoyowá in mongoadí inta kon sigad in mongoadí mita tatua.

YESAYA 15:9

Kon Dibon tubig in ongkag nobaḻídon nopura sin noyobauidon in dugú. Bo ki Allah in mopoangoibí kon intau mita kon tua in inta moiḻiu kon tua in kotoyangnea. Moḷoḻimod inta potabá-Nea in moḻimodbí kon bayongan in intau in Moab inta nobiagpa.

YEREMIA 10:7

Ki ine in doí mopirisaya kon ini-Mu, datu in bayongan bangusa? Totuu, Iko in patusbí totok in horomaton. Nongkon bayongan inta mopandoi kon sigad in bangusa mita bo nongkon bayongan in datu mita monia, diábí in tobatúmai in motaau popotongkaian kon ini-Mu o Tuhan.

YEREMIA 15:3

Akuoi, ki Tuhan, ain nonantú kon hukuman opat norupa inta mokoondok in mobaḻíbí kon i monia: mosia in matoi kon poparangan, mayat monia in uguton in ungkú, kaanon in ḷagapan, bo indaitan in mahaḷuk turá.

YEREMIA 5:6

Tuamai mosia in ḻimodon in singa nongkon kayuon, bo bera-berakon in serigala nongkon padang gurun. Macan tutul in maya-mayábí mako motayak kon kaanonnea kon diug in kotá mita monia, bo pomuḷoi in intau inta ḷumuai in domokonbí. Tua komintan in mobaḻí popisí in mosia umurandon mogaid kon dosa, bo mopobui-buimaidon in monoḻikud kon i Allah.

YEHEZKIEL 14:15

Dika-dika poangoi-Ku in mahaḷuk moraat sin modomok kon intau mita kon butá tatua, dá butá tatua in totokdon in mokoanib bo diádon tobatúmai in intau in mokobaḻí tumaḻib kon tua.

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

DANIEL 6:26

Nopaḷut mako kon tua ki Datu Darius nokidia in surat kon intau mita nongkon bayongan in bangusa, inanakan bo bahasa kon sinangkub in dunia, “Salam kobiagan motompia!

IMAMAT 26:22

Popoangoi-Ku kon yua-yuak monimu in mahaḷuk mita moraat. Mahaḷuk mita tatua modomok kon i adí mita monimu, momatoi kon biagmu bo mokaan kon i monimu komintan, dá moiko in moyakagdon totok, bo daḷan mita kon butá monimu moingongowdon totok.

YUNUS 1:9

Tubag i Yunus, “Akuoi naa intau in Ibrani. Akuoi in nosumba kon i Tuhan Allah kon soroga, inta nomaḻí kon dagat bo toba.”

YOSUA 22:25

Indoiai, pinoukat-Nea in Ongkag in Yordan tanaa kon yua-yuak naton sin mopotondí kon inami bo kon i monimu intau mita i Ruben bo i Gad. Totuu kon moiko nion in diábí kohubungan takin i Tuhan.’ Dá onu in mobaḻí kon singgai moiduduimai? Notantú bidon kon buí monimu in momaḻídon kon buí nami mogogaidon moibada kon i Tuhan.