DATU MITA 2 17:15 - Alkitab Singog In Mongondow Masa In Tanaa

¹⁵ Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

DATU MITA 2 17:15 Mawu Ofanana

DATU MITA IMITÁNEA 11:11

Ki Tuhan in noguman, “Popisí in kinotaauanmubí kon iko in iḻimimpatdon kon dodandianmu takin-Ku bo diá dinumudui kon parenta-Ku mita, dá Gamáan-Kudon in dodatuan tatua nongkon inimu, bo ogoi kon pogawaimu tobatú.

DATU MITA IMITÁNEA 16:13

Ki Baesa bo ki Ela, ki adínea, in nosumba kon dewa mita bo nokopopisí kon intau in Israel nomia kon dosa. Tuamai, mosia in nokopomukádon kon torú i Tuhan, Allah inta musti sumbáan in intau in Israel.

DATU MITA 2 17:8

bo dinumudui kon kabiasaan in bangusa mita inta ain pinoguntun i Tuhan kon tungkuḷ in bangusa in Israel minayá nomarang kon bangusa mita tatua. Bangusa in Israel in dinumudui kon adat inta sinantúdon in datu mita in Israel,

TAWARIKH 2 24:19

Ki Tuhan nopotabá in nabi mita sin monoboḷow kon i monia sinbá buidon mogundoi kon i Tuhan, táe rayat in doíbí mokidongog.

TAWARIKH 2 33:2

Sia in binaradosa kon i Tuhan, popisí in dinumudui kon kabiasaan mita inta moraat in bangusa mita inta pinoguntun i Tuhan nongkon Kanaan kon tungkuḷ in intau in Israel sinumuot in butá tatua.

TAWARIKH 2 33:9

Ki Manasye nokopopisí kon rayat in Yohuda nogaid kon dosa mita inta moraa-raat nongkon dosa inta inaidan in bangusa mita inta pinoguntun i Tuhan nongkon Kanaan kon tungkuḷ in umat i Tuhan sinumuot kon butá tatua.

NEHEMIA 9:26

Táe umat-Mu in nomarontak bo diá motoindudui kon ini-Mu, nonaḷámai kon hukum bo atorang-Mu, noḻimod kon nabi mita inta nopotoingat kon i monia, bo inta nopotabá kon i monia mamangoi bui kon ini-Mu, ki Allahnea. Oo Tuhan, pomuḷoi doman mako Iko in singkuḻeon monia,

MAZMUR 115:8

Igumon mako natua in ukur in intau mita inta nomia kon tua, bo bayongan in intau inta mopirisaya kon inia.

MAZMUR 78:10

Mosia in iḻimimpat kon dodandian i Allah takin i monia, bo doí sinumoḷutui kon hukum-Nea.

IḶUAIAN 16:28

Bo ki Tuhan noguman kon i Musa, “Dapotpa in toonu moiko doí mokidongog kon parenta-Ku mita?

YEREMIA 10:15

Berhala mita tatua diá koboḻi, patusbí in singkuḻeon bo poompáanmai. Aka moiangoi in wakutunea mosia in moyopúbí.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

YEREMIA 2:5

Ki Tuhan in noguman, “Taḷá onu in nouḻí in mogoguyangmu kon i-Nakó, nodapot in mosia nomaḻidawan kon i-Nakó? Mosia in nomatuk kon berhala inta diá in mangaḻenea bo imbuitnea mosiadon tontaní in nohina.

YEREMIA 31:32

Táe dodandian tatua in deemanbí ná dodandian inta pinomia-Ku takin mogoguyang monia kon dodai in mosia kinapit-Ku iḻumuai nongkon Mesir. Umpaka in Akuoi naonda bo ki buḷoi monia ḷoḷaki, táe mosia in nonoḻikud kon dodandian-ku takin i monia.

YEREMIA 44:22

Ki Tuhan in diádon mokoigon in mokoontong mako kon i monimu moposumba in kuruban kon ilah mita ibanea. Aidmu tua in moraat bo mokooyá. Moiko in binaradosadon kon i Tuhan bo diá motoindudui kon parenta-Nea mita. Tuamai tanaa doman mako butámu ain norimumud dá diádon motaau pogutunan, bo tangoinea in pinakédon nobaḻí kutukan. Intau inta mokoontong in mokoningkimbí.”

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

YEREMIA 44:8

Nongonu sin moiko in nogaidbí kon inta mokopomuká kon torú-Ku? Moiko in namangoi bo nogutun kon Mesir, butá inta deeman moiko in kitogi, bo moiko in mosumba kon berhala bo moposumba in kuruban kon dewa mita in butá tatua! Degá moibog in moiko morimumud kon awakmu tontaní sinbá singkuḻeon in moiko in bayongan in bangusa kon dunia bo tangoimu in pakéondon mobaḻí kutukan?

YEREMIA 7:26

Táe diá in nokidongog andeka nonondudut. Tongábí nodugang in pamandot monimu bo moraa-raatdon nongkon mogoguyangmu.”

YEREMIA 8:9

Intau mita mongopandoi kon yua-yuakmu in pokopooyáanbímai. Mosia in koinggamáan bidon in akaḷ bo moibaaḷ. Mosia in doíbí mokidongog kon tonggina-Ku; tanaa, kobobijak onupa inta oyúonpa kon i monia?

YEHEZKIEL 12:2

“Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.

YEHEZKIEL 2:3

“Ei intau inta ilo-ilow, iko in potabáku mayá kon intau mita in Israel inta nomarontak moḷawang kon i-Nakó. Mosia tua in momomarontak ná doman mogoguyang monia.

IMAMAT 26:15

Aka moiko ḻimimpat kon dodandian inta pinomia-Ku takin imonimu bo doí dumudui kon parenta bo atorang-Ku mita,

YUNUS 2:8

Mososumba mita kon berhala inta diá in baragunanea, in nonaḷámaidon kon ini-Mu bo diádon notoḷutui.

YOHANES 2:8

Onda intua ki Yesus noguman kon i monia, “Tanaa ponayukaika kon topiḻik nongkon tampayang tatua bo dia kon itoi in pesta bo pokinanam.”

KORINTUS 1 8:4

Yo soaḷ mokaan kon kaanon inta ain pinosumba kon berhala, sabanarnea in kinotaauanbí naton kon berhala tua in diábí onda. Sin kinotaauanbí doman naton kon tongábí tobatú in ki Allah; diábí in ibanea mako.

ULANGAN 18:10

Kon sigad monimu dikabí in moposumba kon i adínea mita mobaḻí kuruban payongon. Bo dikabí tobatúmai in mobaḻí mononanow, motayak kon tanda mita, momaké in totaau ande

ULANGAN 29:24

Dá bayongan intau kon dunia in moḻibó, ‘Nongonu sin ki Tuhan nomiabí kon natua kon butá monia? Nongonu sin Sia in totokbí in sinumorú natua?’

ULANGAN 32:21

Pinomia monia in Akuoi nointoi kon inta deeman Allah, bo sinumorú kon patong in berhala monia. Dá binaḻí-Ku in umat-Ku nointoi kon inta deeman bangusa-Ku, bo sinumorú kon bangusa inta pompuḷong.

ULANGAN 32:31

Musung in Israel nonotaau kon pogogadopan monia diábí ná ki Allah inta mogogoḻiung in Israel.

SAMUEL 1 12:21

Dikadon dumudui kon dewa mita inta diá mokotuḷung bo moposaḷamat kon i monimu, sin mosia tua in sabanarnea in diábí.