DATU MITA 2 17:13 - Alkitab Singog In Mongondow Masa In Tanaa

¹³ Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

DATU MITA 2 17:13 Mawu Ofanana

DATU MITA IMITÁNEA 16:1

Dá nosingogdon in ki Tuhan kon i Nabi Yehu ki adí i Hanani, kai-Nia, “Poyaputdon kon i Baesa in koyow-Ku tanaa,

DATU MITA 2 17:23

dá kon imbuitnea ki Tuhan in doídon noindoimai kon i monia, noidapotdon in iḷumbú in mosia nongkon butá inta inogoi-Nea kon i monia. Tua in nobaḻí notongkai ná tompoingat inta ain inogoi i Tuhan kon i monia pinongin mogogundoi-Nea mita, inta nabi mita. Natuata in nobaḻí intau in Israel in dinia iḻumbú kon butá in Asyur, bo kon tuadon in pinogutunan monia noidapot in tanaa.

DATU MITA 2 18:6

bo mosatia kon i-Nia. Diábí kon dodai in onda in sia moḷawang kon i Tuhan. Bayongan in parenta i Tuhan inta inogoi pinongin i Musa, totu-totuubí kon dinuduian i Hizkia.

DATU MITA 2 21:10

Tuamai in pinongin nabi mita, mogogundoi mita i Tuhan, ki Tuhan in noguman,

TAWARIKH 1 29:29

Kinobiagan i Daud nongkon pinomangkoian noidapot kon imbuitnea ain pinais kon bonu in buk Nabi Samuel, Nabi Natan bo Nabi Gad.

AYUB 11:14

Inggamáaidon in dosa nongkon ginamu bo poyayúdon inta moraat nongkon baḷoimu!

AYUB 36:10

Pinoki indongogan-Nea in mosia kon tompoingat-Nea bo monaḷámai kon aid monia moraat.

MAZMUR 50:7

“Indongogaidon, ei umat-Ku, Akuoi in mosingog, Israel, Akuoi in moibog gumuman kon i monimu; Akuoi naa in ki Allah, Allahmu.

YEREMIA 11:7

Tungkuḷ in Akuoi nodia kon mogoguyang monia iḻumuai nongkon Mesir, Akuoi in nodandi totok kon i monia sinbá motoindudui kon i-Nakó. Nodapot in singgai naa Akuoi tantúpabí doman nopotoingat kon umat-Ku kon tua,

YEREMIA 18:11

Ki Tuhan in noguman kon inakó, “Tanaa, pogumandon kon intau mita in Yohuda bo intau in Yerusalem kon Akuoi in koyogotdon in momia kon tomayá moḷawang kon i monia, bo moposadia in hukuman kon i monia. Potabádon in mosia monaḷámai kon kobobiag inta binaradosa tatua poḷat monompia kon dodia bo gogutú monia.

YEREMIA 25:3

“Kon bonu in doyowa nopuḷú bo toḷu notaong, pinangkoi kon taong impuḷú bo toḷúnea kon pinomarentaan i Yosia adí ḷoḷaki i Amon kon Yohuda, nodapot in singgai naa ki Tuhan in noguman kon inakó bo diábí kon dodai in onda in diá pinogumanku kon inimu onu inta ain pinoguman-Nea. Táe moiko in diá nopandungmai.

YEREMIA 3:7

Irai-Ku naonda in sia momia kon tua mita, yo sia in mobuidon mangoi kon i-Nakó. Táe sia in diábí nobui, nodapotbí in minayá sinumundaḷ. Tuamai Akuoi in nogaat bo nopoguntun kon inia. Yohuda, ki utat in Israel, inta diá motoindudui tua in nokoontong kon tua komintan, táe sia in diábí inagían in ondok. Nodapotbí in sia dinumayan doman nobaḻí sundaḷ,

YEREMIA 34:14

Akuoi in noguman kon bayongan in ata Ibrani inta ain nobaḻí ata onom notaong in koonggotnea, musti poḷuaton kon imbuit in taong impitunea. Táe mogoguyangmu in doíbí noindoimai andeka nokidongog kon onu inta pinoguman-Ku tatua.

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 42:19

Bo akuoi in noguman bui, “Ki Tuhan in nomarentadon sinbá moiko inta ki agatneapa kon Yohuda in diá mayá in Mesir. Tuamai in akuoi in mobogoi in toingat kon i monimu in tanaa

YEHEZKIEL 18:31

Gogaiaidon in bayongan inta moraat inta inaidan monimu bo pomayádon mako in gina bo raianmu motomobagu. Nongonu sin moiko in mustibí matoi?

YEHEZKIEL 3:19

Aka iko mopotoingat kon intau moraat tatua bo doí in sia mogogai in mogaid kon inta moraat, yo sia in matoibí saḷaku inta binaradosa, táe iko in mosaḷamatbí.

DANIEL 9:10

Kami in diábí nokidongog kon singog-Mu, o Tuhan Allah nami, kon dodai in pinotabá-Mu in kami nobiag podudui in hukum mita inta ain inogoi-Mu kon inami pinongin nabi mita bo bobantung-Mu mita tatua.

HOSEA 11:2

Táe kokakit-kokakit in oiní-Ku kon i adí-Ku tatua koyayú-koyayú domandon in sia kon i-Nakó. Sia in nodia kon kuruban bo notubá kon kamania kon i Baal bo dewa mita ibanea.

HOSEA 12:10

Táe Akuoi, ki Tuhan Allahmu, inta nodia kon i monimu iḻumuai nongkon Mesir, buibí mopoutun kon i monimu kon ḷoḷaigan mita ná dungkuḷmai kon tungkuḷ in Akuoi namangoi kon inimu kon padang gurun.

HOSEA 12:11

Akuoi in nosingogdon kon nabi mita, bo nobogoidon in nobayong in oontongon kon i monia. Pinongin i monia Akuoi nopotaau in tomayá-Ku mita kon i monimu, umat-Ku,

HOSEA 14:1

Samaria in mustibí hukumon popisí in nomarontak nonayow kon i-Nakó. Rayatnea in matoi kon poparangan; adí mita mointok monia in ḻintogon, bo bobay mita sidia in botakon in siannea.”

HOSEA 4:15

Ei moiko intau in Israel, moiko in diá motoindudui kon i-Nakó! Táe, harapon-Ku mako Yohuda in diá mogaid kon taḷá ná inta inaidan monimu! Dika moibada kon Gilgal andeka kon Betel. Dika mongibot kon tua podoyon kon tangoi i Tuhan inta nobiag.

OUMAN IN RASUL MITA 20:21

Akuoi in umuran doman noponorop kon intau mita in Yahudi bo bangusa ibanea sinbá mosia in mogogaidon in mogaid kon dosa mita monia bo mamangoi kon i Allah poḷat mopirisayadon kon i Yesus Kristus ki Tuhan naton.

ULANGAN 31:21

Bo mobayong in bodito motoyang in moiuma kon i monia. Táe dondong tanaa umuranbí podondong bo pakéon mobaḻí tomponiata kon i monia. Modapot in tanaa kon dodai in mosia diápa diaan-Ku kon butá inta pinodandi-Ku, kinotaauan-Kubí in raian monia.”

ULANGAN 4:26

Poigumon mako ḷangit bo butá mobaḻí sakusi kon aka moiko diá motoindudui kon inakó, moiko in ḷagidon moyopú nongkon butá inta pogutunan monimu kon ḷoḷan in Ongkag in Yordan tatua. Moiko in diábí moonggot in mogutun kon tua; moiko in modaitbí yopúon.

ULANGAN 8:19

Dika mokoḻiong kon i Tuhan Allahmu bo dika mayá kon ilah mita ibanea sin mosumba bo mogundoi kon i monia. Singgai in naa akuoi moponorop kon i monimu kon aka aidanpa doman monimu intua, yo notantú bidon kon yopúon i Tuhan in moiko.

YOSUA 23:16

Aka moiko ḻimimpat kon dodandian inta ain pinarenta i Tuhan Allahmu kon inimu sinbá duduian, bo moiko mayá moibada kon toḻindua mita in Tuhan bo poḷat mosumba kon toḻindua mita in Tuhan tua, dá tumorú in ki Tuhan, bo mohukum kon i monimu. Diábí moonggot bo moiko komintan moyopú nongkon butá inta mopia naa, butá inta inogoi i Tuhan kon inimu.”

PETRUS 2 3:9

Diábí moḷaḷoi in ki Tuhan mogintompod kon onu inta ain pinodandi-Nea, umpakabí oyúon intau in mosingog kon moḷaḷoi in Sia. Táe ki Tuhan in umuranbí mosabar in moindoi mako kon oaid monimu, sin doíbí in Sia aka tobatúpamai intau kon sigad monimu in moputú. Ibogon-Nea, bayongan intau in mogogaidon in mogaid kon dosa.

HAKIM MITA 6:10

Aindon pinoguman-Ku kon inimu kon Akuoibí in ki Tuhan Allahmu, bo moiko in diábí motaau mosumba kon dewa mita in bangusa in Amori inta butá monia in pinogutunan monimu masai naa. Táe moiko in doíbí dinumudui kon parenta-Ku.’ ”

HAKIM MITA 6:8

Ki Tuhan nopotabá mangoi kon i monia in nabi tobatú. Nabi tatua noguman, “Nanaa in guman i Tuhan, Allah in Israel: ‘Moiko ain pinoḷuat-Ku nongkon pinononggataan kon Mesir.

SAMUEL 1 9:9

“Mopia uḻe!” tubag i Saul, “Igai mayá in kita.” Bo minayádon in mosia kon kotá, kon tampat in mogogundoi i Allah tua. Naonda in mosia notakod kon buḷud inta mopobayá ná kotá tatua, noyodungkuḷdon in mosia in tongonumai in mongodeaga inta mayá monangkob kon tubig kon parigí. Bo mosia noḻibó kon mongodeaga mita tatua, “Degá mododoyangow oyúon kon kotá?” (Kon tungkuḷ intua nabi tobatú sinangoi mododoyangow, dá aka oyúon in intau moḻibó kon i Allah, dá sia in moguman nanaa, “Igai in kita mayá kon mododoyangow.”)