DATU MITA 2 16:10 - Alkitab Singog In Mongondow Masa In Tanaa

¹⁰ Naonda in ki Datu Ahas minayá in Damsyik sin mokipodungkuḷ kon i Datu Tiglat-Pileser, nokoontong in sia kon mezbah kon kotá tatua. Bo nokidia in sia kon i imang Uria kon Yerusalem sonto in mezbah tatua takin ukurannea inta noitombubung komintan.

DATU MITA 2 16:10 Mawu Ofanana

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

DATU MITA 2 16:11

Dá ki Uria in noposindogdon in mezbah tobatú pinodudui kon sonto bo ukuran inta sinarimanea tatua, bo iniḷapatan kon dodai in diápa nobui in ki Ahas.

DATU MITA 2 21:4

Ki Tuhan in ain noguman kon Yerusalem in tampat koangoian-Nea bo tampat pooibadaan kon i-Nia, táe kon tua kon Baḷoi Tuhan, ki Manasye in noposindogdon in mezbah mita kon dewa mita.

TAWARIKH 1 28:19

Bo ki Datu Daud in noguman, “Bayongan intua in kon bonu bidon in tomayá inta ain pinais podudui in topotundú inta inogoi i Tuhan tontaní sin aidan.”

MAZMUR 106:39

Popisí in aid mita monia tatua dá mosia in nonajisdon, bo diá notoḷutui kon i Allah.

IḶUAIAN 24:4

Nopaḷut mako kon tua komintandon pinais i Musa in parenta i Tuhan tatua. Nobangon monik doḷo-doḷom, pinosindognea in mezbah tobatú takin tugu mopuḷú bodoyowá kon sioḷ in buḷud tatua; Tugu tobatú nobaḻí doman toḻiu in suku Israel tobatú.

IḶUAIAN 39:43

Pinirikisa i Musa intua komintan bo inindoianneamai yo inaidan monia intua notongkai totok ná inta ain pinoki aid i Tuhan. Bo binarakatandon i Musa in mosia.

YESAYA 8:2

Oinídon in sakusi doyowa inta motaau pirisayaan, ki Imang Uria bo ki Zakharia, ki adí i Yeberekhya.”

YEREMIA 10:2

Sia in noguman, “Dika duduian in kabiasaan in bangusa mita ibanea, bo dika moondok in mokoontong kon tomponuot mita kon ḷangit inta kinoondok in bangusa mita tatua.

YEHEZKIEL 16:28

Táe diápabí doman moorop in iko; tuamai in aḷo-aḷowanmu mako in intau in Asyur. Iko in nobaḻí sundaḷ monia, táe diábí doman nokoorop in mosia kon inimu.

YEHEZKIEL 43:11

Bo naonda in mooyá in mosia popisí in aid mita monia, insilangaidon in tombaḷoi in Baḷoi-Ku tanaa kon i monia: batangannea, ngaranea mita tumuot bo ḷumuai, ḷandakan in baḷoinea, bayongan in atorang bo hukumnea mita. Paisdon intua komintan kon i monia sinbá koontongan monia bo moindoi kon naonda in pononompia kon bayongan in yagi-yagi, poḷat dumudui kon bayongan in atorangnea.

YEHEZKIEL 43:8

Dungkuḷmai in datu mita monia in momia kon ḷoḷuang mita bo oigi mita in komaḻig monia kon sí in ḷoḷuang bo oigi mita in Baḷoi-Ku, dá tongádon dinding tobatú in kon sigadnea. Mosia in nongotordon kon tangoi-Ku inta motusi pinongin aid monia inta mokorongó. Tuamai in iyopú-Ku in mosia kon bonu in torú-Ku.

YEHEZKIEL 44:12

Táe popisí in mosia ain nomia kon upacara posumbaan kon berhala sin kopontingan in bangusa in Israel, bo pinongin aid monia tatua mosia in nokopopisídon kon bangusa tatua nogaid kon dosa, dá Akuoi, ki Tuhan Inta Totok in moḷantud, mongibot kon mosia in mustibí hukumon.

MATIUS 15:6

yo intau tatua in diá bidon patus mohoromat kon guyanganea. Aka oaid monimu bo natua, yo inanggap monimu in Pirman i Allah in diádon baraguna sin popisí in adatmu tontaní in mobara-baraguna.

MATIUS 15:9

Diábí in mangaḻenea posumbaan monia kon i-Nakó, sin onu in sinundú monia tua atorangbí in intau.’ ”

SURAT I PAULUS KON JAMAAT RUM 12:2

Donaai in moiko dumudui kon ibog in dunia naa. Pomayádon mako in ki Allah in monoimbagu kon i monimu, sinbá mobaḷui in moiko. Sahingga in kotaauandon monimu onu kinoibog i Allah, tuata inta mopia bo inta mokosanang kon gina-Nea bo inta mosompurna.

ULANGAN 12:30

Naonda in bangusa mita tatua yopúon mokopoingat dika modapot in dumayan in moiko mosumba kon ilah mita ibanea, sin oaid natua mokopoangoi kon bodito.

YOSUA 22:28

Dá, niat nami in: aka kuma buí monimu in moguman natua, dá buí nami in motaaudon moguman, ‘Indoiai in mezbah tatua! Mogoguyang nami in noposindogdon in mezbah tobatú inta notombatangan in mezbah i Tuhan, deemanbí pobogoian kon kuruban payongon ande pobogoian kon sosumba, táe baḻíon tomponuot kon i naton posibotak.’

PETRUS 1 1:18

Sin kinotaauan bidon monimu kon moiko in sinobut bidon nongkon kobobiag monimu inta diá in mangaḻenea, sin tuabí in pinopoponag in mogoguyang monimu. Pinoguboḻi kon i monimu tua in deemanbí barang inta mogogu-goguyaat ná saḷaka andeka buḷawan,