DATU MITA 2 15:30 - Alkitab Singog In Mongondow Masa In Tanaa

³⁰ Kon taong indoyowa nopuḷú kon pinomarentaan i Datu Yotam adí i Uzia kon Yohuda, ki Hosea ki adí i Ela in noyopopog noḷawang kon i Datu Pekah bo noḻimod kon inia, bo nobaḻí datu nomaḷui kon inia.

DATU MITA 2 15:30 Mawu Ofanana

DATU MITA 2 15:10

Ki Salum ki adí i Yabesh, noyopopog moḷawang kon i Datu Zakharia, bo noḻimod kon inia kon Yibleam, bo nobaḻí datu nomaḷui kon inia.

DATU MITA 2 15:25

Tobatú kon sigad in porwiranea, inta ki Pekah adí i Remalya, noyopopog in intau ḻima nopuḷú inta nongkon Gilead. Bo kon bonu in benteng tobatú kon komaḻig in Samaria mosia in noḻimod kon i Pekhaya takin intau doyowa ibanea inta ki Argob bo ki Arye in tangoi monia. Onda intua ki Pekah in nobaḻí datu nomaḷui kon i Pekhaya.

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

DATU MITA 2 15:31

Ouman ibanea kon i Datu Pekah in pinais kon bonu in buk Ouman in Datu mita in Israel.

DATU MITA 2 16:1

Kon taong impuḷú bo pitu kon pinomarentaan i Datu Pekah adí i Remalya kon Israel, ki Ahas ki adí i Yotam in nobaḻí datu in Yohuda.

DATU MITA 2 17:1

Kon taong noginpuḷú bo doyowa kon pinomarentaan i Datu Ahas kon Yohuda, ki Hosea ki adí i Ela in nobaḻí datu in Israel, bo nomarenta in sia kon Samaria siow notaong in koonggotnea.

TAWARIKH 2 28:16

Intau mita in Edom nomangkoidon bui nonubu kon Yohuda bo nodakop kon nobayong in intau. Tuamai ki Datu Ahas nopoigum kon i Tiglat-Pileser, datu in Asyur, sinbá mokidia mangoi in totuḷung.

YESAYA 7:16

Sin kon dodai in wakutu tatua diápa moiangoi, ḻipú doyowa inta pinarenta in datu mita inta kinoondokmu tatua in taḷaanbí diádon in intau.

YESAYA 8:6

Guman-Nea, “Bangusa tanaa nondoí kon tubig inta moḷonong nongkon Tapá in Syiloah, bo nosanang takin ki Datu Rezin bo ki Datu Pekah.

HOSEA 10:15

Tuata in mobaḻí kon i monimu, ei intau in Betel, popisí in moiko ain nogaid kon inta moraat totok. Kon dodai in modiug mobayag, naonda in parang momangkoidon, ki datumu in matoidon.”

HOSEA 10:3

Diádon moonggot bo moguman in mosia, “Kita in diádon ko datu sin kita in diá motoguondok kon i Tuhan. Onu in mangaḻenea in datu tobatú kon i naton?”

HOSEA 10:7

Samaria in morimumudbí bo datunea in diaan mayá naonda bo kayu topongkó inta iniḻig in tubig.