DATU MITA 2 15:29 - Alkitab Singog In Mongondow Masa In Tanaa

²⁹ Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

DATU MITA 2 15:29 Mawu Ofanana

DATU MITA IMITÁNEA 14:15

ki Tuhan in mohukumbí kon Israel dá modandúdon ná tampiring kon bonu in tubig. Ki Tuhan in morabutbí kon rayat in Israel bo nongkon butá inta mopia tanaa inta inogoi-Nea kon mogoguyang monia. Sia in moporaritbí kon i monia kon ḷoḷan in Ongkag in Eprat, sin mosia in nopomukádon in torú-Nea sin nomia kon patong mita i dewi Asyera.

DATU MITA IMITÁNEA 15:20

Noibog in ki Benhadad kon tongganut tatua bo nopotabá in porwiranea mita noyotakin in tontara mita monia minayá nonubu kon kotá mita in Israel. Mosia in nonaḷow kon Iyon, Dan, Abel-Bet-Maakha bo Kinerot kon diug in Danow Galilea bo bayongan in butá in Naptali.

DATU MITA IMITÁNEA 9:11

Bayongan in kayu ḷokuyú in Libanon bo kayu ḷokuyú biasa takin bayongan in buḷawan inta paraḷu i Salomo pinogaid kon tua in inogoibí i Datu Hiram kon inia. Naonda in oaidan tatua noḷapat, ki Datu Salomo in nobogoi kon i Hiram in doyowa nopuḷú in kotá kon butá in Galilea.

DATU MITA 2 15:19

Naonda in ki Pul datu in Asyur nonubu kon Israel, ki Menahem nobogoi kon inia in 34.000 nokilo in saḷaka sinbá sia in motuḷung moginrigon kon kawasa i Menahem kon Israel.

DATU MITA 2 15:20

Pinototayak i Menahem kon doit tatua in nomakisa kon intau mita inta nooyúon kon Israel kon batúannea mobogoi in ḻima nopuḷú in doit saḷaka. Tuamai in ki Pul nonaḷámai kon butá tatua bo nobui kon butánea tontaní.

DATU MITA 2 15:28

Binaradosa in sia kon i Tuhan sin dinumudui kon aid moraat i Datu Yerobeam I inta nokopopisí kon intau in Israel binaradosa.

DATU MITA 2 15:30

Kon taong indoyowa nopuḷú kon pinomarentaan i Datu Yotam adí i Uzia kon Yohuda, ki Hosea ki adí i Ela in noyopopog noḷawang kon i Datu Pekah bo noḻimod kon inia, bo nobaḻí datu nomaḷui kon inia.

DATU MITA 2 16:10

Naonda in ki Datu Ahas minayá in Damsyik sin mokipodungkuḷ kon i Datu Tiglat-Pileser, nokoontong in sia kon mezbah kon kotá tatua. Bo nokidia in sia kon i imang Uria kon Yerusalem sonto in mezbah tatua takin ukurannea inta noitombubung komintan.

DATU MITA 2 16:7

Ki Ahas in nopotabá in totabá minayá kon i Tiglat-Pileser datu in Asyur takin koyow tanaa, “Akuoi in bobantungmu inta mosatia, tuamai, poigumonku angoidon bo posaḻamatdon in akuoi nongkon i datu in Siria bo datu in Israel inta koyogot in monubu kon inakó.”

DATU MITA 2 17:20

dá inindoídon i Tuhan in bayongan in umat in Israel. Ihukum-Nea bo inogoi-Neadon in mosia kon musung mita monia inta mongoraat totok. Diá bidon inindoian-Neamai in mosia, táe iḻumbú-Neadon in mosia nongkon butá inta inogoi-Nea kon i monia.

DATU MITA 2 17:23

dá kon imbuitnea ki Tuhan in doídon noindoimai kon i monia, noidapotdon in iḷumbú in mosia nongkon butá inta inogoi-Nea kon i monia. Tua in nobaḻí notongkai ná tompoingat inta ain inogoi i Tuhan kon i monia pinongin mogogundoi-Nea mita, inta nabi mita. Natuata in nobaḻí intau in Israel in dinia iḻumbú kon butá in Asyur, bo kon tuadon in pinogutunan monia noidapot in tanaa.

DATU MITA 2 17:6

– inta taong noginsiow kon pinomarentaan i Hosea – ki Salmaneser nogagow kon Samaria. Bo intau in Israel in dinianea nobaḻí intau mita inta sinoko dakop pinobayá in Asyur. Tongosilai kon i monia pinobayánea in kotá Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

DATU MITA 2 18:11

Onda intua datu in Asyur nodia kon intau mita in Israel nobaḻí intau mita inta sinokodakop kon parang bo pinobayá in Asyur; tongosilai kon i monia tua in pinopoutun kon kotá in Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

DATU MITA 2 19:11

Iko in nokodongogdon kon bayongan in butá inta sinubu in datu mita in Asyur, in irimumudbí komintan. Dikabí morai kon iko in kotaḻiban!

DATU MITA 2 8:11

Onda intua ki Elisa noindoi kon i Hazael bo sinontongannea totok dá noḻia-ḻiawdon in gina i Hazael. Bo daḻídon in ki Elisa noguang.

TAWARIKH 1 5:26

Tuamai in pinopogonúdon i Allah kon i Pul datu in Asyur, dá minayádon in sia nonubu kon butá tatua. Ki Pul in tangoi-tangoion doman ki Tiglat-Pileser. Bo suku Ruben, Gad bo suku Manasye inta kon dotá in pomukaan kon Yordan in dinianea nobaḻí intau mita inta sinokodakop kon parang bo iḷumbú kon Halah, Habor, Hara bo kon tampat tobatú inta kon diug in Ongkag in Gozan. Kon tua in pinogutunan monia bo notantú nodapot in singgai naa.

TAWARIKH 2 16:4

Ki Benhadad noibog kon onu in pinoigum tatua bo poḷat nopotabá kon porwiranea mita noyotakin in tontara monia minayá nonubu kon kotá mita in Israel. Mosia in nonaḷow kon Iyon, Dan, Abel-Bet-Maakha bo bayongan in kotá mita inta nobayong in tongkaaḷ kon Naptali.

NEHEMIA 9:32

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!

YESAYA 1:7

Ḻipúmu ain iyompat; kotámu mita in nodaitdon sinurub. Koonto-ontongmu in intau ango-angoi mogamá kon butámu bo morimumud kon bayongan yagi-yagi.

YESAYA 37:18

Kinotaauanbí nami komintan, Tuhan, kon datu mita in Asyur ain noḻimod kon nobayong in bangusa bo norimumud kon butá mita monia.

YESAYA 7:16

Sin kon dodai in wakutu tatua diápa moiangoi, ḻipú doyowa inta pinarenta in datu mita inta kinoondokmu tatua in taḷaanbí diádon in intau.

YESAYA 7:20

Ki Tuhan in monondanbí kon datu in Asyur sin mopomia kon Israel naonda bo intau mongongarug inta mongarug komintan kon buok bo bubuḷ kon awak.

YEHEZKIEL 23:9

Tuamai in inogoi-Kudon in sia kon inta kinoibognea mita, intau mita in Asyur in totok in kinotanobannea tua.

IMAMAT 26:32

Poguraaton-Ku in butá monimu, modapot in musungmu mita inta mongawasa moitongaudon in mokoontong kon tua.

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.

AMOS 1:3

Ki Tuhan in noguman, “Intau mita in Damsyik ain nopobui-buimai in binaradosa, tuamai in notantú bidon kon hukumon in mosia. Mosia in nopoaid kon intau in Gilead pinodoyon kon aid inta totok in moḻingá,

AMOS 5:27

Kon tungkuḷ in ḷumbúon-Ku in moiko kon butá tobatú inta noyayú nongkon Damsyik. Akuoi ki Tuhan inta tangoi-Ku ki Allah Inta Totok in mokawasa ain nosingog.”

AMOS 6:14

Ki Tuhan Inta Totok in moḷantud bo Inta Totok in mokawasa tua in noguman tontaní, “Umat in Israel, Akuoi in mopotabábí mangoi in tontara nongkon bangusa tobatú ango-angoi sin monubu kon butámu. Mosia in mopororigabí kon i monimu nongkon daḷan mopobayá in Hamat kon utuan modapot kon Ḷopá in Araba kon toḷatan.”

PINOGIAPAN 32:1

Suku mita i Ruben bo i Gad kobobiagon inta modamaḷ totok. Naonda in inontong monia kon totok in mopia in butá in Yaezer bo butá in Gilead kon ponombobiagan,

PINOGIAPAN 32:40

Tuamai ki Musa nobogoi in butá in Gilead tatua kon inanakan in Makhir, bo mosia nogutundon notantú kon tua.

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 3:15

“Butá in Gilead inogoiku kon kaum i Makhir nongkon suku Manasye.

YOSUA 11:1

Naonda in ki Datu Yabin inta nongkon Hazor nokodongog kon habar kinountungan mita in Israel, nopotabá in sia kon intau minayá kon i Datu Yobab nongkon kotá in Madon, kon datu mita inta kon kotá in Simron bo Akhsap,

YOSUA 11:10

Naonda in ki Yosua nobui, baintua bo nogagow kon Hazor inta kon tungkuḷ intua totok in moropot kon sigad in bayongan in dodatuan kon tua. Kotá tatua in sinurub, bo datu takin bayongan in intaunea sinoko ḻimod; diá tobatúmai in pinomayá mako nobiag.

YOSUA 11:13

Táe kotá mita inta pinosindog kon tudu in buḷud mita inta ain irimumud, diábí in tobatúmai in sinurub intau in Israel, koḻikudbí in Hazor inta sinurub i Yosua tontaní.

YOSUA 16:6

bo minayá ná Dagat Toyuak. Mikhmetat in noiukat kon dotá in utuan. Kon dotá in pomukaannea, botok in sigad tatua nomurow pinobayá ná Taanat-Silo, bo sinumaḻib kon tua nongkon dotá in pomukaan nopobayá ná Yanoah.

YOSUA 19:35

Kotá mita inta oyúon in benteng in: Zidim, Zer, Hamat, Rakat, Kineret,

YOSUA 19:37

Kedes, Edrei, En-Hazor,

YOSUA 20:7

Dá kon butá kon dotá in toyopan kon Ongkag in Yordan umat in Israel in nonantúdon kon kotá mita noiduduimai naa nobaḻí kotá pogogadopan: Kedes kon buḷud in Naptali kon Galilea, Sikhem kon buḷud in Epraim, bo Hebron kon buḷud in Yohuda.

HAKIM MITA 18:30

Patong berhala inta dinia monia tatua, pinosindog monia kon kotá tatua bo nopobaḻí kon i Yonatan, ki adí, i Gersom, ki ompu i Musa, nobaḻí imang monia. Buí i Gersom naa in umuran nobaḻí imang in suku Dan tatua nodapot kon tungkuḷ in umat Israel dinia bo iḷumbú kon butá intau ibanea.

HAKIM MITA 4:2

Dá pinomayádon mako i Tuhan in mosia sinaḷow i Yabin, datu in Kanaan inta kon kotá in Hazor in kinoḻitúannea. Panglima in tontaranea in ki Sisera inta nogutun kon Haroset-Hagoyim.