DATU MITA 2 15:27 - Alkitab Singog In Mongondow Masa In Tanaa

²⁷ Kon taong noginḻima nopuḷú bodoyowá kon pinomarentaan i Datu Uzia kon Yohuda, ki Pekah ki adí i Remalya in nobaḻí datu in Israel. Sia in nomarenta kon Samaria doyowa nopuḷú notaong in koonggotnea.

DATU MITA 2 15:27 Mawu Ofanana

DATU MITA 2 15:1

Kon taong nogindoyowa nopuḷú bo pitu kon pinomarentaan i Datu Yerobeam II kon Israel, ki Uzia ki adí i Amazia in nobaḻí datu in Yohuda.

DATU MITA 2 15:13

Kon taong intoḷu nopuḷú bo siow kon pinomarentaan i Datu Uzia kon Yohuda, ki Salum ki adí i Yabesh in nobaḻí datu in Israel. Sia in nomarenta kon Samaria tongá tobuḷan

DATU MITA 2 15:2

Kon dodai intua sia in umur 16 notaong bo nomarenta kon Yerusalem in 52 notaong in koonggotnea. Ki inánea in ki Yekholya, bobay in Yerusalem.

DATU MITA 2 15:23

Kon taong noginḻima nopuḷú kon pinomarentaan i Datu Uzia kon Yohuda, ki Pekhaya ki adí i Menahem in nobaḻí datu in Israel bo nomarenta kon Samaria doyowa notaong in koonggotnea.

DATU MITA 2 15:25

Tobatú kon sigad in porwiranea, inta ki Pekah adí i Remalya, noyopopog in intau ḻima nopuḷú inta nongkon Gilead. Bo kon bonu in benteng tobatú kon komaḻig in Samaria mosia in noḻimod kon i Pekhaya takin intau doyowa ibanea inta ki Argob bo ki Arye in tangoi monia. Onda intua ki Pekah in nobaḻí datu nomaḷui kon i Pekhaya.

DATU MITA 2 15:26

Ouman ibanea kon i Datu Pekhaya in pinais kon bonu in buk Ouman in Datu mita in Israel.

DATU MITA 2 15:28

Binaradosa in sia kon i Tuhan sin dinumudui kon aid moraat i Datu Yerobeam I inta nokopopisí kon intau in Israel binaradosa.

DATU MITA 2 15:8

Kon taong nogintoḷu nopuḷú bo waḷu kon pinomarentaan i Datu Uzia kon Yohuda, ki Zakharia ki adí i Yerobeam II in nobaḻí datu kon Israel bo nomarenta kon Samaria onom nobuḷan in koonggotnea.

YESAYA 7:1

Ki Datu Ahas in ki adí ḷoḷaki i Yotam ki ompu i Uzia. Kon tungkuḷ in sia nomarenta kon Yohuda, nobaḻídon in parang. Dá ki Rezin datu in Siria, bo ki Pekah ki adí ḷoḷaki i Remalya datu in Israel, namangoi nonubu kon Yerusalem. Táe mosia in diábí nokoagow kon kotá tatua.

YESAYA 7:4

Pogumandon kon i datu kon sia in musti tantú mosadia bo umuran mokopoonow. Dikabí in sia moondok andeka motoboḻingo. Torú i Datu Pekah bo i Datu Rezin takin tontaranea intau mita in Siria tatua in diábí noiḻiu kon doyowa in oḷuton inta nonompoyok.

YESAYA 7:9

Israel in diábí morop-ropot nongkon Samaria, ibukotánea, bo Samaria in diábí moropo-ropot nongkon i Datu Pekah. Aka moiko diá totu-totuu mopirisaya kon i-Nakó,, notantú bidon kon moiko in diábí mokotongod.”