DATU MITA 2 15:25 - Alkitab Singog In Mongondow Masa In Tanaa

²⁵ Tobatú kon sigad in porwiranea, inta ki Pekah adí i Remalya, noyopopog in intau ḻima nopuḷú inta nongkon Gilead. Bo kon bonu in benteng tobatú kon komaḻig in Samaria mosia in noḻimod kon i Pekhaya takin intau doyowa ibanea inta ki Argob bo ki Arye in tangoi monia. Onda intua ki Pekah in nobaḻí datu nomaḷui kon i Pekhaya.

DATU MITA 2 15:25 Mawu Ofanana

DATU MITA IMITÁNEA 16:18

Kon tungkuḷ in inontong i Zimri kon kotá tatua inagowdon, sinumuot in komaḻig tatua in sia bo sinumurub takin in komaḻig tatua in sia, dá minatoi in sia.

DATU MITA IMITÁNEA 16:9

Ki Zimri, porwira tobatú in nobaḻí itoi kon tongobotak in tontara inta nomaké in kereta, noyopopog noḷawang kon i Ela. Kon singgai tobatú kon Tirza, ki Ela in nonginumai nodapot in noḷoḷangu kon baḷoi i Arza inta tongguḷu in mopoposadia in kaanon kon komaḻig i datu.

DATU MITA 2 15:10

Ki Salum ki adí i Yabesh, noyopopog moḷawang kon i Datu Zakharia, bo noḻimod kon inia kon Yibleam, bo nobaḻí datu nomaḷui kon inia.

DATU MITA 2 15:24

Binaradosa in sia kon i Tuhan sin dinumudui kon aid moraat i Datu Yerobeam I, inta nokopopisí kon intau in Israel binaradosa.

DATU MITA 2 15:26

Ouman ibanea kon i Datu Pekhaya in pinais kon bonu in buk Ouman in Datu mita in Israel.

DATU MITA 2 15:27

Kon taong noginḻima nopuḷú bodoyowá kon pinomarentaan i Datu Uzia kon Yohuda, ki Pekah ki adí i Remalya in nobaḻí datu in Israel. Sia in nomarenta kon Samaria doyowa nopuḷú notaong in koonggotnea.

DATU MITA 2 9:14

Natuata ki Yehu noyopopog noḷawang kon i Datu Yoram inta kon tungkuḷ intua kon Yizreel. Ki Yoram minayá intua sin mokiundam kon kekebnea mita inta nouḻínea kon pinoparangan kon Ramot nonayow kon i Hazael datu in Siria. Ki Yehu in noguman kon yobayatnea mita inta tongguḷu totokan in tontara, “Aka moibog in moiko sinbá akuoi in mobaḻí datu, yo ḷukadai sinbá diá tobatúmai in intau inta ḷumuai nongkon Ramot sin mopotaau kon intau mita kon Yizreel.”

DATU MITA 2 9:5

bo noyodungkuḷ i Yehu bo tongguḷu totokan in tontara mita inta koyogot moyosingogmai kon tua. Nabi tatua in noguman, “Tuang, akuoi in nodia kon habar kon i Tuang.” Ki Yehu in notubag, “Kon i ine?” “Tongá kon i Tuang tontaní,” tubag i nabi tatua.

YESAYA 7:1

Ki Datu Ahas in ki adí ḷoḷaki i Yotam ki ompu i Uzia. Kon tungkuḷ in sia nomarenta kon Yohuda, nobaḻídon in parang. Dá ki Rezin datu in Siria, bo ki Pekah ki adí ḷoḷaki i Remalya datu in Israel, namangoi nonubu kon Yerusalem. Táe mosia in diábí nokoagow kon kotá tatua.