DATU MITA 2 15:20 - Alkitab Singog In Mongondow Masa In Tanaa

²⁰ Pinototayak i Menahem kon doit tatua in nomakisa kon intau mita inta nooyúon kon Israel kon batúannea mobogoi in ḻima nopuḷú in doit saḷaka. Tuamai in ki Pul nonaḷámai kon butá tatua bo nobui kon butánea tontaní.

DATU MITA 2 15:20 Mawu Ofanana

SAMUEL 2 19:32

Ki Barzilai in nogoguyangdon totok, umurnea in waḷudon nopuḷú notaong. Sia in nobiag nooyúon totok bo kon dodai in ki datu nogutun kon Mahanaim koḻipod, ki Barzilai naa inta nopooyúon in kaanon i datu.

DATU MITA 2 15:19

Naonda in ki Pul datu in Asyur nonubu kon Israel, ki Menahem nobogoi kon inia in 34.000 nokilo in saḷaka sinbá sia in motuḷung moginrigon kon kawasa i Menahem kon Israel.

DATU MITA 2 15:21

Ouman ibanea kon i Datu Menahem in pinais kon bonu in buk Ouman in Datu mita in Israel.

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

DATU MITA 2 23:35

Baḻíon poguboḻi kon iba inta sinuntut in datu in Mesir, ki Datu Yoyakin noigum kon pajak nongkon rayat podudui in komampuan monia kon batúannea.

AYUB 1:3

Koḻikud intua nobayong doman in atanea, dombanea in 7.000, unta in 3.000, sapi in 1.000, bo keledai in 500. Impoḷok mako in singog, sia tua in intau inta totok in nooyúon kon sigad in intau inta nogutun kon butá kon dotá in pomukaan.

RUT 2:1

Ki Naomi koginaḷum kon tobatú ḷoḷaki nongkon i baḷunea, ki Elimelekh. Intau tatua nobiag nooyúon bo kinobangkaḷ in intau, ki Boas in tangoinea.