DATU MITA 2 14:25 - Alkitab Singog In Mongondow Masa In Tanaa

²⁵ Ki Yerobeam II tanaa inta nogagow bui kon bayongan in butá in israel, nongkon daḷan in Hamat kon utuan noidapot in Laut Mati kon toḷatan. Tua in pinodudui kon dandi i Tuhan, Allah in Israel, inta pinongin in mogogundoi-Nea, ki Nabi Yunus ki adí i Amitai intau in Gat-Heper.

DATU MITA 2 14:25 Mawu Ofanana

KINOBAḺIAN 14:3

Datu taya ḻima tatua in notobatú bo nosipun kon tontara monia kon Ḷopá in Sidim, inta masai naa sinangoi Laut Mati.

DATU MITA IMITÁNEA 8:65

Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan.

DATU MITA 2 10:32

Kon tungkuḷ intua ki Tuhan momangkoidon mogin intok kon butá kawasa in Israel. Ki Hazael datu in Siria in nogagow kon bayongan in butá in Israel

DATU MITA 2 13:25

Bo ki Yoas datu in Israel nonaḷow kon i Benhadad kotoḷu bo nogamá bui kon kotá mita inta ain inagow i Benhadad kon dodai in pinomarentaan i Datu Yoahas ki amá i Yoas.

DATU MITA 2 13:5

Ki Tuhan in nobogoi in itoi tobatú kon Israel inta moḷuat kon i monia nongkon kawasa in Siria dá mosia in mobiag motompiadon bui ná dungkuḷmai.

DATU MITA 2 14:24

Binaradosa in sia kon i Tuhan, sin dinumudui kon aid moraat i Datu Yerobeam I inta ain nokopopisí kon intau in Israel nogaid kon dosa.

YEHEZKIEL 11:10

Moiko in matoibí kon parang kon butámu tontaní, dá kotaauandon monimu kon Akuoibí in ki Tuhan.

AMOS 6:14

Ki Tuhan Inta Totok in moḷantud bo Inta Totok in mokawasa tua in noguman tontaní, “Umat in Israel, Akuoi in mopotabábí mangoi in tontara nongkon bangusa tobatú ango-angoi sin monubu kon butámu. Mosia in mopororigabí kon i monimu nongkon daḷan mopobayá in Hamat kon utuan modapot kon Ḷopá in Araba kon toḷatan.”

YUNUS 1:1

Kon singgai tobatú, ki Tuhan in noguman kon i Yunus, ki adí i Amitai.

PINOGIAPAN 13:21

Dá nobuatdon in intau mita tatua nopobayá ná utuan bo nonaridi kon butá tatua pinangkoi nongkon padang gurun Zin kon dotá in toḷatan nopobayá ná utuan nodapot kon kotá in Rehob, nodiug kon daḷan mayá in Hamat.

MATIUS 16:4

“Intau mita inta moraat bo diá motuḻid in gina tanaa, mopoigum in tanda. Táe mosia in diábí popoontongan intua, koḻikudbí in tanda i Nabi Yunus.” Nopaḷut mako nosingog kon tua, sinaḷaanmaidon i Yesus mosia tua.

ULANGAN 3:17

Kon dotá in toyopan, butá monia nobendar nodapot kon Ongkag in Yordan, nongkon Danow Galilea kon utuan nodapot kon Laut Mati kon dotá in toḷatan, minayá nodapot kon sipangkoion in Buḷud Pisga kon dotá in pomukaan.

YOSUA 19:13

Nongkon tua botok sigad tatua minayá ná pomukaan kon Gat-Heper bo Et-Kazin, bo nomurow ná Nea nopobayá ná Rimon.