DATU MITA 2 13:23 - Alkitab Singog In Mongondow Masa In Tanaa

²³ Táe notabi in ki Tuhan kon umat-Nea bo inampungan-Nea in mosia. Doíbí in Sia mopomayá mako yopúon táe sinuḷungan-Neabí in mosia, sin monorop kon dodandian-Nea takin i Abraham, i Ishak bo i Yakub. Dapot in tanaa diábí kon dodai in onda in koḻiongan-Nea in umat-Nea.

DATU MITA 2 13:23 Mawu Ofanana

KINOBAḺIAN 6:3

Dá ki Tuhan in noguman, “Diábí ogoi-Ku in intau mobiag mononoi; mosia tua in mahaḷukbí ilo-ilow, inta musti matoi. Nongkon tanaa mako umur monia in diá bidon moiḻiu kon mogatut bodoyowá nopuḷú notaong.”

DATU MITA IMITÁNEA 8:28

Oo Tuhan Allahku, akuoi naa in mogogundoi-Mu! Tongá indongogaipa kaasí in sambayangku, bo duduiaipa in oigumku singgai in naa.

DATU MITA 2 13:24

Onda intua ki Hazael datu in Siria minatoi, bo ki Benhadad adínea in nobaḻí datu.

DATU MITA 2 13:4

Bo ki Yoahas in nosambayang kon i Tuhan, bo inindongogan i Tuhan in sambayang tatua, sin ki Tuhan in nokoontong kon moromúdon totok in pinonondorot i datu in Siria kon intau in Israel.

DATU MITA 2 14:26

Inontong i Tuhan kon totuudon mororiga in intau in Israel, bo diá tobatúmai intau in motuḷung kon i monia.

DATU MITA 2 14:27

Diábí in makusud i Tuhan morimumud kon Israel kinoouput in dunia naa, tuamai in sinuḷungan-Nea in mosia pinongin i Datu Yerobeam II.

DATU MITA 2 17:18

dá sinumorúdon totok in Sia kon i monia bo diá noindoimai kon i monia. Iḷumbú-Nea in mosia nongkon butá inta inogoi-Nea kon i monia; dongkadon dodatuan in Yohuda in sinaḷáan.

DATU MITA 2 17:20

dá inindoídon i Tuhan in bayongan in umat in Israel. Ihukum-Nea bo inogoi-Neadon in mosia kon musung mita monia inta mongoraat totok. Diá bidon inindoian-Neamai in mosia, táe iḻumbú-Neadon in mosia nongkon butá inta inogoi-Nea kon i monia.

DATU MITA 2 17:23

dá kon imbuitnea ki Tuhan in doídon noindoimai kon i monia, noidapotdon in iḷumbú in mosia nongkon butá inta inogoi-Nea kon i monia. Tua in nobaḻí notongkai ná tompoingat inta ain inogoi i Tuhan kon i monia pinongin mogogundoi-Nea mita, inta nabi mita. Natuata in nobaḻí intau in Israel in dinia iḻumbú kon butá in Asyur, bo kon tuadon in pinogutunan monia noidapot in tanaa.

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

MAZMUR 105:8

Sia in umuranbí mokotorop kon dodandian-Nea, dandi-Nea in mononoibí.

MAZMUR 105:9

Dodandian tatua in pinomia-Nea takin i Abraham, bo noiduduimai takin i Ishak;

MAZMUR 106:45

Popisí in mosia dá kinotoropan-Nea in dandi-Nea bo nonotabidon kon i monia popisí in tabi-Nea inta moḷoben.

MAZMUR 51:11

Dikapa bobuion in dosaku mita, bo popataidon in bayongan in taḷáku.

MAZMUR 78:38

Táe ki Allah in notabi bo nongampung kon umat-Nea, bo diábí noyopú kon i monia. Nopobui-buimai Sia in nomondam kon torú-Nea, bo diá noponiata in yaat in gina-Nea.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

IḶUAIAN 33:19

Tubag i Tuhan, “Akuoi in tumaḻib takin bayongan koagungan-Ku kon tayowonmu, sindaḷan mopotaau in tangoi-Ku inta motusi. Akuoi naa in ki Tuhan, bo Akuoi mopoontong in pia in gina bo tabi kon intau mita inta piniḻí-Ku.

YEREMIA 12:15

Táe naonda in mopoḷuai mako kon i monia, Akuoi in buibí monotabi kon i monia; batúan in bangusa in diaan-Kubí bui mayá in butánea tontaní.

OMBAḶ 3:32

Mopaḷut mako in Sia mobogoi in roriga Sia in monotabibí doman, sin Sia in umuranbí motabi kon i naton pongin tabi inta diábí in sigadnea.

IMAMAT 26:42

yo toropon-Kudon in dodandian-Ku takin i Yakub, i Ishak bo i Abraham. Toimbaguon-Kudon in dodandian-Ku sin mobogoi in butá tatua kon bangusa-Ku.

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;

HAKIM MITA 10:16

Onda intua mosia noḷumbúdon kon bayongan patong berhala, bo nosumbadon bui kon i Allah. Dá inagíandon in tabi in ki Allah nokoontong kon i monia kon bonu in roriga.