DATU MITA 2 13:14 - Alkitab Singog In Mongondow Masa In Tanaa

¹⁴ Kon singgai tobatú ki Nabi Elisa in notakit moyoyiga, bo ki Datu Yoas in namangoi noindoi kon inia. Naonda in inontongnea kon ki Elisa in motoyongdon matoi, ki datu tatua in nongombaḷ bo noguman, “Amáku, Amáku, inta mototuḷung moḷoben in Israel!”

DATU MITA 2 13:14 Mawu Ofanana

KINOBAḺIAN 48:1

Diá noonggot kon tua pinotaaudon kon i Yusup kon ki amánea in notakitdon moyoyiga. Dá minayádon in sia takin ki adínea doyowa, ki Manasye bo ki Epraim, minayá noḷongow kon i Yakub.

KINOBAḺIAN 49:33

Naonda in ki Yakub nopaḷut nobogoi in koyow kon i adínea mita, inumuḻidon in sia bodongka minatoi.

KINOBAḺIAN 50:1

Ki Yusup inumuḻid bo nonggakap kon i amánea poḷat nongombaḷ bo nongayok kon pogot i amánea.

DATU MITA 2 13:12

Ouman ibanea soaḷ ki Datu Yoas, noitakin doman in pononongganutnea kon pinoparangan nonayow kon i Amazia datu in Yohuda, pinais kon bonu in buk Ouman in Datu mita in Israel.

DATU MITA 2 13:13

Ki Yoas in minatoi bo iḷobong kon poḷoḷobongan kon datu mita kon Samaria. Ki Yerobeam II ki adínea in nobaḻí datu nonoḻiu kon inia.

DATU MITA 2 13:15

“Gamádon in puḷu in piot bo piotnea!” guman i Elisa kon inia. Ginamá doman i Yoas,

DATU MITA 2 2:12

Inontong i Elisa intua bo nomaḷú in sia, “Elia, Amáku! Amáku! Moḷoḷukad kon Israel inta motorindog! Diádon in ki Amá!” Dá diádon inontong i Elisa in ki Elia. Takin robonoḷ in dodob ki Elisa nomerak kon jubahnea nosilai doyowa,

DATU MITA 2 20:1

Kon tungkuḷ intua ki Datu Hizkia in binituḷ inta totokdon in mobogat bo gogiódon matoi. Ki Nabi Yesaya ki adí i Amos in minayá nokipodungkuḷ kon inia bo noguman, “Ki Tuhan in nongoyow sinbá ki Tuang Datu in monoḻisídon kon bayongan in oaidan, sin ki Tuang in diádon mopia. Diádon moonggot bo matoi in ki Tuang Datu.”

DATU MITA 2 6:21

Naonda in inontong i datu in Israel in intau mita in Siria, noḻibó in sia, “Elisa, degá ḻimodonku in intau mita tanaa?”

MAZMUR 12:1

Kon i itoi in mododondong. Podudui in dondong inta in waḷunea. Mazmur i Daud.

AMSAL 11:11

Barakat in intau motuḻid in gina mokogaga kon kotá; tosingogon in intau moraat mokogoguyaat kon inia.

YESAYA 57:1

Intau mopia bo motoindudui minatoi, diá in nomangaḻe andeka nonaridimai. Naonda in minatoi, mosia in noiḷagui nongkon bodito bo nogogai takin dame.

YEHEZKIEL 14:14

Umpakabí in ki Nuh, ki Daniel bo ki Ayub in nogutun kon tampat tatua, dá kopopia i nayatoḷu in tongábí mokosaḷamat kon awak monia tontaní. Akuoi, ki Tuhan Inta Totok in moḷantud ain nosingog.

YEHEZKIEL 22:30

Kon sigad in intau in Israel tua, tayakon-Ku in intau inta mokoposindog in dinding, andeka simindog kon tampat mita inta dindingnea ain noumpag sin moḷukad kon butá tatua aka Akuoi morimumudon kon tua popisí in torú-Ku; táe diá tobatúmai in intau in nouḻí-Ku.

ZAKHARIA 1:5

Kon onda in mogoguyangmu bo nabi mita tatua in tanaa? Mosia in diádon onda.

MARKUS 6:20

Sin kinotaauan i Herodes kon ki Yohanes tua in totabá mopia i Allah dá mobangkaḷ in sia. Manangka intua pinoki ḷukadnea totok in ki Yohanes kon bonu in ponjara. Bo aka mosingog in ki Yohanes yo moibogbí in ki Herodes mokidongog kon singognea, umpakabí moḻia-ḻiaw totok in ginanea in mokodongog.

YOHANES 11:3

Dá ki Maria bo ki Marta naa in minayá kon i Yesus bo nopotaau; “Tuhan, ki utat nami inta totok in kinotabi Tuhan tua notakit.”

OUMAN IN RASUL MITA 13:36

Naonda in nogaid mako kon onu inta kinoibog i Allah in ki Daud kon wakutu in nobiagpa, sia in minatoi domandon bo iḷobong kon diug i mogoguyangnea. Dá noyoyangbí domandon komintan in awaknea.

PILIPI 2:26

Mokotanobdon totok in sia kon i monimu komintan, bo moajar domandon totok in ginanea sin kinotaauandon monimu kon notakit in sia.