DATU MITA 2 11:17 - Alkitab Singog In Mongondow Masa In Tanaa

¹⁷ Ki Imang Yoyada in nopotabá kon i Datu Yoas bo rayat nomia kon dodandian takin i Tuhan kon mosia in mobaḻíbí umat i Tuhan. Sia in nokiaid doman kon i datu in dodandian takin rayat.

DATU MITA 2 11:17 Mawu Ofanana

SAMUEL 2 5:3

Ki Daud in nomia kon dodandian takin itoi mita in Israel tatua kon Hebron, bo dinuí monia in sia nobaḻí datu in Israel.

DATU MITA 2 11:4

Kon taong noginpitu, porwira mita moḷoḷukad tontaní i datu bo moḷoḷukad mita kon komaḻig inoiní i Imang Yoyada sin moyodungkuḷnea kon Baḷoi Tuhan. Kon tua pinoki pongibotannea in mosia kon mogaid kon tombayánea. Pinoontongnea kon i monia in ki Yoas, ki adí ḷoḷaki i Datu Ahazia,

TAWARIKH 1 11:3

Dá ki Daud in nomia kon dodandian takin itoi mita in Israel tatua. Bo dinuídon monia in sia nobaḻí datu in Israel ná inta ain pinodandi i Tuhan pinongin i Samuel.

TAWARIKH 2 23:16

Ki Imang Yoyada in nonongganut kon i Datu Yoas bo rayat moyotakinnea mogaid kon dodandian kon mosia in mobaḻíbí umat i Tuhan.

TAWARIKH 2 29:10

Tanaa in moibog in akuoi momia kon dodandian takin i Tuhan, Allah in Israel, sinbá diádon in Sia tumorú kon inaton.

EZRA 10:3

Koḻigai in kita mongibot kon i Allah, kon kita in mopoguntunbí kon bayongan in bobay tatua takin adí mita monia. Kami in dumuduibí kon bayongan in tongginamu bo tonggina in intau mita ibanea inta nohoromat kon parenta i Allah. Kami in dumuduibí kon hukum i Allah.

NEHEMIA 9:38

Pinodoyon kon bayongan inta nobaḻí tatua, kami rayat in Israel nomia kon dodandian inta moroton bo pinais, bo cinapan in itoi mita, intau mita in Lewi bo imang nami tobatú.

YEREMIA 34:8

Ki Datu Zedekia bo intau in Yerusalem nomia kon dodandian sin mopoḷuat

KORINTUS 2 8:5

Bo mosia ain nobogoi kon noiḻiu totok kon onu inta sinakuser nami. Muna-munamai mosia in noposarakan in awak monia kon i Allah, onda intua kon i nami, podudui kon inta kinoibog i Allah.

YOSUA 24:25

Dá kon singgai tatua kon Sikhem ki Yosua nomia kon dodandian takin umat in Israel; bo kon tua in sia nobogoi kon i monia in hukum bo atorang mita inta musti duduian monia.

SAMUEL 1 10:25

Noiduduimai kon tua ki Samuel noginsilang kon bangusa tatua soaḷ hak bo kowajiban in datu, bo pinaisnea kon bonu in buk inta sinagúnea kon tampat inta motusi. Nopaḷut mako kon tua ki Samuel nopotabá kon bayongan in bangusa tatua nobui kon baḷoinea-baḷoinea.