DATU MITA 2 10:25 - Alkitab Singog In Mongondow Masa In Tanaa

²⁵ Bo naonda in ki Yehu nopaḷut noposumba in kuruban tatua, iḻumuai in sia bo noguman kon pongawal mita bo porwira mita tatua, “Tuotdon bo ḻimod komintan in mosia. Dikabí pomayá mako in tobatúmai mokoḷagui!” Dá sinumuotdon in mosia takin kokada-kadai in kedang inta irabutdon kon gumánea bo noḻimod kon bayongan in intau kon tua, bodongka pinogambat monia kon ḷuai in mayat mita tatua. Onda intua sinumuot in mosia kon bonu totok in kuil,

DATU MITA 2 10:25 Mawu Ofanana

DATU MITA IMITÁNEA 18:40

Dá nogumandon in ki Elia, “Domok in nabi mita in Baal tatua! Dika pomayá mako in tobatúmai in mokoḷagui!” Bo intau mita in nodomokdon kon nabi mita in Baal tatua, onda intua dinia i Elia in mosia kon Ongkag in Kison bo iḻimodnea kon tua in mosia komintan.

DATU MITA 2 11:18

Nopaḷut mako kon tua rayat in nonubu bo nogumpag kon kuil Baal. Mezbah takin patongnea mita in irimumud, bo ki Matan, imang in Baal iḻimod kon tayowon in mezbah mita tatua. Ki Yoyada in nopotabá kon moḷoḷukad sin moḷukad kon Baḷoi Tuhan,

DATU MITA 2 23:20

Bayongan in imang inta nopobayá in oaidan kon tampat mita pososumbaan kon dewa iḻimodnea kon tudu in mezbah mita inta pinopobayáan monia in oaidannea. Bo kon batúan in mezbah tatua notubá in ki Yosia kon tuḷan mita in intau. Nopaḷut mako kon tua nobui in sia kon Yerusalem.

IḶUAIAN 22:20

Ki ine in moposumba in kuruban kon inta ilah mita ibanea mako koḻikud in kon i-Nakó, inta Tuhan, yo musti hukumon matoi.

IḶUAIAN 32:27

bo sia in noguman kon i monia, “Ki Tuhan Allah Israel in nomarentadon kon i monimu komintan morabut kon pitowmu bo mayá mongin pinonḷoḷaigan tanaa, nongkon ngara tanaa, modapot kon ngara ibanea sindaḷan moḻimod kon ginaḷumnea, yobayatnea, bo topodiugmu mita.”

SAMUEL 1 22:17

Bo sia in nomarenta kon bayongan in moḷoḷukadnea inta sinimindog kon diugneamai, “Ḷagidon ḻimod in imang mita i Tuhan tatua! Mosia tua in noyopakatdon takin i Daud. Kinotaauandon monia kon ki Daud in noḷaguidon, táe mosia in doíbí nopotaau kon inakó.” Táe moḷoḷukadnea mita tatua in doíbí moḻimod kon imang mita i Tuhan tatua.