AYUB 36:5 - Alkitab Singog In Mongondow Masa In Tanaa

⁵ Ki Allah tua in motorindog! Bayongan yagi-yagi kinotaauan-Nea. Diábí tobatúmai intau in inanggap-Nea nohina.

AYUB 36:5 Mawu Ofanana

AYUB 10:3

Onubí in untungnea aka Iko mopororiga nanaa, bo moḷumbú kon inta pinomia-Mu tontaní? Onubí in untungnea aka tarimaan-Mu in raian bo tomayá in inta mongoraat mita?

AYUB 31:13

Kon dodai in bobantungku nogamui sin haknea in pinotaḷáku, inindongoganku in sia bo pinoyotutuiku pinongin gina motuḻid.

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 9:14

Dá naondabí in akuoi mokobayow kon i-Nia? Tosingogon naonda in potubagku kon i-Nia?

AYUB 9:19

Degá musti in akuoi moropatoi takin-Nea? Táe indoian, totuu motoyang in ropot-Nea! Aka kuma bo pongaduku in Sia, ki ine in kobaḻí mogoiní kon i-Nia mayá in pongadilan?

MAZMUR 102:17

aka ki Tuhan moposindog bui in Sion, bo simindog kon bonu in koḷoḷantud-Nea.

MAZMUR 138:6

Iko in totokbí in momulia, táe inta noempeng in inindoian-Mubí doman; intau moḷoḷatú in diábí mokopogadop kon ini-Mu.

MAZMUR 147:5

Totuubí kon moḷoben bo motoyang in ki Tuhan naton, kobobijaksana-Nea in diábí in imbuitnea.

MAZMUR 22:24

Dayowdon in sia, ei intau mita inta mopirisaya! Pomuliadon in Sia, bayongan bui i Yakub! Tonsiupdon kon i-Nia, bayongan in buí in Israel!

MAZMUR 69:33

Mokoontong kon tua, inta dinorot mopia-pia in gina, intau inta mosumba kon i Allah moḷoben in gina.

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

YEREMIA 10:12

Ki Tuhan in nomaḻí kon butá pinongin kawasa-Nea, nomia kon dunia pinongin hikmat-Nea, bo nomukat kon ḷangit pinongin pandoi-Nea.

YEREMIA 32:19

Tomayá-Mu mita in motoyang, bo aid-Mu mita in mokoherang; Iko in nokoontong kon bayongan inta inaidan in intau, bo motuḻí kon i monia podudui in aid monia.