AYUB 36:27 - Alkitab Singog In Mongondow Masa In Tanaa

²⁷ Ki Allah inta nogamá kon tubig nongkon butá binaḻí goḷom bo pinomia nobaḻí uyan inta moḷabú.

AYUB 36:27 Mawu Ofanana

AYUB 28:26

kon dodai in sinantú-Neadon in tampat koḷabúan in uyan, bo daḷan inta sinaḻiban in kilat bo gotup;

AYUB 36:26

Ki Allah in totuu moḷantud, diábí kotaauan in raian-Nea andeka mogiap kon kobayong in taong-Nea.

AYUB 36:28

Sia in mopoḷabú in uyan nongkon goḷom; pinopobutak-Nea kon ḻimonik in intau.

AYUB 36:33

Singog in gotup nobaḻí tomponuot kon deḷang in mondangat, biag in monotaau doman kon tompot moropot moiangoi.

AYUB 37:11

Ḷokutoi dinatogan-Nea in tubig, bo goḷom in monindar sinimbayagan in gotup.

AYUB 37:6

Salju noḷabú kon butá sin pinarenta-Nea; uyan morogot namangoi sin pinotabá-Nea.

AYUB 38:34

Degá motaau in iko mopomaḷú in parenta kon goḷom, bo mopotabá kon inia mamangoi kon inimu pongin uyan?

AYUB 5:10

Sia in nopoangoi in uyan kon tudu in butá, dá gobá bo rawang nobuntad sin kinouyanan.

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

MAZMUR 147:8

Siabí in nopoukat in goḷom kon ḷangit; Sia in nosadia kon uyan poonag kon butá, bo nomiag bui kon bonok kon tombuḷud.

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

AMSAL 3:20

Pinongin sinotaau-Nea pinomia-Nea in bokaká mita kon ḻimonag in butá nobotak bo nomuká in tubignea bo goḷom kon ḷangit mopobutak in tubig kon butá.

YESAYA 5:6

Pomayá-Kubí mako in sia in kobiagan in bonok. Pangkoi in anggurnea diábí rapadan-Ku, bo diábí tuyangan-Ku. Modapotbí in pomayá-Ku mako kokoḷoban in mainggoa bo bonok, nodapot in goḷom mita diá ogoi-Ku mopoḷabú in uyan kon tudunea.”

YEREMIA 10:13

Pinodoyon kon parenta, nomungkaurdon in tubig kon toḷungayá. Nongkon popod mita in dunia pinoangoi-Nea in goḷom, bo binaḻí-Nea in kilat nonindar kon bonu in uyan, bo pinotabá-Neadon mangoi in tompot nongkon tampat pototagúan-Nea.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

ZAKHARIA 10:1

Aka sempodon in pononubú, poigumdon kon uyan kon i Tuhan. Dá sipunondon i Tuhan in goḷom morondí, bo mopoḷabú in uyan morogot dá gobá mita in ḷumunowdon bo moḷumbá kon bayongan in intau.