AYUB 35:13 - Alkitab Singog In Mongondow Masa In Tanaa

¹³ Diá in baragunanea in karakan monia imibo-ibog; ki Inta Totok in mokawasa diá nokoontong andeka mokidongog kon i monia.

AYUB 35:13 Mawu Ofanana

AYUB 15:31

Aka mopirisaya in sia kon inta diá baraguna, koakaḷan in sia; bo tontuḻí inta bain tarimaannea, diá doman in baragunanea.

AYUB 30:20

Akuoi in nokuani kon ini-Mu, o Allah, Iko in doí notubag; aka mosambayang in akuoi, diá pandungon-Mumai.

MAZMUR 102:17

aka ki Tuhan moposindog bui in Sion, bo simindog kon bonu in koḷoḷantud-Nea.

MAZMUR 66:18

Aka kuma bo mopia in ginaku in monomayá kon aid moraat, yo notantúbí kon doíbí in ki Tuhan mokidongog.

AMSAL 15:29

Ki Tuhan in mokidongogbí aka intau mopia mosambayang, táe Sia in doíbí mopandungmai kon intau moromú.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

AMSAL 28:9

Aka iko bo diá motoindudui kon hukum i Allah, yo ki Allah in doíbí doman kon sambayangmu.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YEREMIA 11:11

Tuamai, Akuoi, ki Tuhan nopotoingat kon Akuoi in mopoangoibí in bodito kon i monia bo mosia in diábí mokoḷagui kon tua. Aka mosia mokuani mokituḷung kon i-Nakó, Akuoi in doíbí mokidongogmai.

HOSEA 7:14

Mosia in diábí totu-totuu mosambayang kon i-Nakó. Aka mosia mosambayang, mosia in umobatbí kon tosiugan monia, bo mogamui naonda bo onu inta inaidan in intau mita inta diá mopirisaya kon i-Nakó. Aka mosia mosambayang moigum kon gandum bo anggur, mosia in monongkekeb kon awak ná inta inaidan in intau mita inta nosumba kon dewa. Mosia in totu-totuubí kon moḷawang kon i-Nakó.!

AMOS 5:22

Aka moiko modia kon kuruban payongon bo kuruban gandum, diábí tarimaan-Ku. Akuoi in doíbí motarima kon bobiagonmu mita inta nongoḷomumu tua inta pinosumbamu kon i-Nakó saḷaku kuruban dodamean.

MIKHA 3:4

Moiangoibí in wakutunea moiko in momaḷú mokituḷung kon i Tuhan, táe Sia in doíbí motubag. Sia in doíbí mokidongog kon sambayangmu mita, popisí in moiko in nogaidon kon inta moraat.

MATIUS 6:7

Ná doman tua aka iko mosambayang, yo donaaidon ḷanggo-ḷanggóon naonda bo kabiasaan in intau inta diá nonotaau kon i Allah. Sin sinangka monia aka sambayang bo moḷanggó yo tua in tarimaan i Tuhan.

YOHANES 9:31

Kinotaauanbí naton kon ki Allah in diábí mokidongog kon intau mita inta binaradosa, táe tongábí mosia inta mohoromat kon i Allah, bo inta mogaid kon onu in kinoibog-Nea.

YAKOBUS 4:3

Bo umpaka ain noigum in moiko, táe diábí doman mokouḻí in moiko, sin noitaḷá in tujuan pinoigumanmu; sin onu inta inigum monimu tua in tongábí kasanangan monimu tontaní.