AYUB 34:37 - Alkitab Singog In Mongondow Masa In Tanaa

³⁷ Taḷánea in dinugangandon in tobatú dosa; sia in nomarontak kon i Allah, bo noningkuḻe kon i-Nia kon tayowon naton.

AYUB 34:37 Mawu Ofanana

AYUB 27:23

Kinoḷabúannea sinomu ginoḷokapan in intau; kon bayongan tampat siningkuḻe in sia.”

AYUB 35:1

Ayub, noitaḷádon in iko aka moguman in iko kon iko in diá kotaḷá kon tayowon i Allah.

AYUB 35:16

Diábí in mangaḻe in pongingguputanmu kon tosingogonmu, nosilangdon, diábí kinotaauanmu onu in siningogmu.

AYUB 42:7

Naonda in nopaḷut mako nosingog kon i Ayub, nogumandon in ki Tuhan kon i Elipas, “Tumorú in Akuoi kon inimu bo kon yobayatmu taya dua, sin diá inouman monimu totu-totuu ki ine in Akuoi. Táe mogogundoi-Ku ki Ayub in diábí natua.

YEHEZKIEL 35:13

Ei bangusa in Edom, moambungangaḷ in moiko bo moḷoḷatú in singogmu kon i-Nakó. Dinongog-Ku bidon intua komintan.

SAMUEL 1 15:23

Sin moḷawang kon parenta i Tuhan notongkaibí in mosihir in koraatnea, bo gina inta mododia notongkaibí in koraatnea ná nosumba kon ilah ibanea, Popisí in ki Tuang Datu ain noḷawang kon parenta i Tuhan, dá diádon akúon i Tuhan kon ki Tuang in datu.”