AYUB 34:33 - Alkitab Singog In Mongondow Masa In Tanaa

³³ Umpaka yo indongogan i Allah onu in koibogmu, naonda in aid i Allah diá sinarimamu? Tanaa, iko in musti monantú, deemanbí akuoi. Pogumandon onu in singogonmu!

AYUB 34:33 Mawu Ofanana

AYUB 15:31

Aka mopirisaya in sia kon inta diá baraguna, koakaḷan in sia; bo tontuḻí inta bain tarimaannea, diá doman in baragunanea.

AYUB 18:4

Torúmu in tongábí mokotakit kon awakmu. Musti degá tongá popisí in iko dunia naa kobuḻian in intaunea, bo buḷud mita in pampingon nongkon kinoukatannea?

AYUB 33:32

Táe aka oyúon in koibogmu singogon, yo singogdon; bo aka iko in totuu, yo ooankubí.

AYUB 33:5

Dá, aka mokotubag, tubagai in akuoi. Sadiadon in potubagmu.

AYUB 34:11

Sia in mohukum kon intau podudui in aidnea, mopoaid kon inia podudui in dodianea.

AYUB 34:34

Bayongan in intau moarip notantúbí kon moibog kon tua; intau mobijak inta mokodongog kon singogku in mogumanbí

AYUB 41:11

Ki ine in mokobaḻí monayow kon inia bo diá tompaḻían? Kon dunia naa diábí in mokoaid kon natua.

AYUB 9:12

Aka Sia in mogagow, yo ki ine in mokobaḻí mogimaḷow kon i-Nia? andeka mokobaḻí moḻibó kon i-Nia, ‘Ei, onu in aidan-Mu?’

MAZMUR 135:6

Sia in nogaid kon onu in kinoibog-Nea, kon ḷangit bo kon butá, kon dagat bo kon baḷangon inta modaḷom.

MAZMUR 50:21

Tuata in inaidanmu, táe Akuoi in tongábí kibio-biómai, dá iraimumai dá Akuoi in notongkaimubí. Táe tanaa in empengon-Ku in iko, bo tua mita in poniataan-Kubí kon inimu.

AMSAL 11:31

Aka kon dunia naa bo intau mopia in mokouḻí kon tontuḻínea, yo notantú bidon kon intau moraat bo binaradosa in mokouḻíbí kon hukuman.

YESAYA 45:9

Moboditodon in intau inta mobobayowan takin i Inta nomaḻí kon inia; sia in naonda bo kuyon inta moḷawang kon intau inta nomia kon inia. Eta degá ḷamentong moḻibó kon mogogaid kon kuyon, “Koyogot mongonu in iko?” Degá kuyon mogamui kon inta nogaid kon inia in diá motaau?

YEREMIA 25:28

Bo aka mosia in doí mogamá kon galas tatua nongkon ḻimamu sin monginum, pogumandon kon ki Tuhan Inta Totok in mokawasa ain nomarenta kon tua.

SURAT I PAULUS KON JAMAAT RUM 11:35

Ki inebí in nokoimontan nobogoi in onukadon kon i-Nia, sahingga in Sia musti monoḻiu kon tua?”

SURAT I PAULUS KON JAMAAT RUM 9:20

Táe, Utat! Iko in tongábí intau ilo-ilow, bo iko in diábí mokobaḻí momayow kon i Allah! Pot in bungang motaau degá in moḻibó kon intau inta nomia kon inia, “Nongonu sin inaidanmubí nanaa in akuoi?”

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.

IBRANI 2:2

Sin koyow mita inta pinoyaput in malaekat mita kon mogoguyang naton in totuubí in nouḻí magí. Intau mita inta diá dinumudui bo inta doí nopoaid in koyow tatua, mokouḻíbí kon hukuman podudui in oaid monia.