AYUB 34:26 - Alkitab Singog In Mongondow Masa In Tanaa

²⁶ Mosia in sinokap-Nea popisí in dosa monia, kon tayowon in intau mita ihukum-Nea in mosia.

AYUB 34:26 Mawu Ofanana

AYUB 36:6

Intau baradosa in diábí binió-Nea mobiag moonggot, Sia in mobogoi in moadil kon intau inta mororiga.

AYUB 38:13

Nokoimontandon degá in iko in nopotabá kon doḷo-doḷom nokadai kon butá bo noponopir in intau moraat nongkon tampat pinogadopan monia?

MAZMUR 11:5

Ki Tuhan in nonungkuḷ kon intau mopia bo intau moraat, dinoí-Nea in intau inta moḻingá.

MAZMUR 9:5

Sin Iko in nomarenta saḷaku hakim inta moadil; Iko in noduḷudon kon pelekaraku.

IḶUAIAN 14:30

Kon singgai tatua ki Tuhan noposaḷamat kon bangusa Israel nongkon pinonubuan in intau Mesir, bo mosia in nokoontongdon kon mayat mita intau in Mesir nongoibandai kon pintad.

YESAYA 1:28

Táe intau mita binaradosa inta nomarontak kon i-Nia in yopúon-Neabí, bo bayongan inta nonaḷámai kon i-Nia in yompatonbí.

YESAYA 66:24

Kon tungkuḷ in mobuat, mosia in mokoontongbí, kon mayat in intau mita inta ain nomarontak kon i-Nakó. Uḷod inta nokaan kon awak monia in diábí matoi, bo tuḷú inta nomokak kon i monia in diábí mopiong; kinoontongan tobatú inta mokokoningkim kon bayongan in intau.”

YEHEZKIEL 16:41

Turubon monia in baḷoimu mita bo pokiindoian monia in bobay mita kon pohukuman kon inimu. Natua in pogogogai-Ku kon pononuaḻingmu. Diá bidon bui in iko mosilai magí-mako kon tombuinag kon i inta kinotabimu mita.

ULANGAN 21:21

Bo intau mita ḷoḷaki kon kotá tatua musti mogarab in batu kon adí tatua modapot in matoi. Aid natua moponiata kon moiko in monginggamá kon aid moraat. Bayongan in intau kon Israel in mokodongogdon kon tua bo angoiandon in ondok.”

TIMOTIUS 1 5:20

Intau inta nogaid kon inta diá mopia mustibí togur kon tayowon jamaat mita, sinbá dongogondon in intau ibanea bo moondokdon in mosia in mogaid kon inta diá mopia tatua.

TIMOTIUS 1 5:24

Dosa in tongonumai intau, wakutu in diápa sidangon koontongan bidon motarang. Táe dosa in intau ibanea bain koontongan aka mopaḷutdon sidangon.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!