AYUB 34:20 - Alkitab Singog In Mongondow Masa In Tanaa

²⁰ Moonggot kon doḷom, mosia in motaaubí in daḻí matoi. Ki Allah in mohukum kon pongawasa bo moyopú in mosia; Diábí in roriga-Nea in moḻimod kon intau motorindog.

AYUB 34:20 Mawu Ofanana

AYUB 12:19

pinoompá-Nea in imang mita bo guhanga mita.

AYUB 27:20

Inta motoyang noidantug naonda bo ḷunud moḷoben inta daḻí noiangoi. Tompot moropot kon dodai in doḷom nogirup nodia kon inia minayá.

AYUB 34:25

Sin, kinotaauan-Nea onu in inaidan monia; dá dinudú-Nea bo irimumud in mosia kon dodai in doḷom.

AYUB 36:20

Dikabí monanob kon doḷom mosindip, wakutuneadon bangusa mita moyopú bo moinggamá.

MAZMUR 73:19

Tongá kon bonu in tokokiap morimumud in mosia, totuubí motoyang in kopaḷutan monia.

YESAYA 30:13

Manangka intua moiko in kotaḷá. Moiko in naonda bo dinding moḷantud inta noḷau nongkon omonikan bo namonag; daḻí-daḻídon moumpag in moiko.

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

YESAYA 37:38

Kon singgai tobatú, kon tungkuḷ in sia koyogot in nosambayang kon bonu in kuil i Dewa Nisrokh, sia in iḻimod in pitow i Adramelekh bo i Sarezer, ki adínea mita ḷoḷaki. Nopaḷut mako kon tua mosia in noḷagui kon Ararat. Dá ki Esarhadon, ki adínea ḷoḷaki ibanea, in nobaḻí datu nomaḷui kon inia.

YESAYA 40:23

Binaḻí-Nea in mongongawasa mita diá kodaya, bo intau mita moḷoben kinobuḻian in kawasanea.

DANIEL 2:34

Kon tungkuḷ in ki Tuangku koyogot in moindoi mako, batu tobatú noḷabú nongkon irib, táe diábí iḻiai in intau, bo noigonag kon patong tatua kon sioḷnea inta pinomia nongkon uatoi bo butá ḷamentong tatua, dá norimumud.

DANIEL 5:30

Kon doḷom doman tatua kinoḻimodandon in ki Belsyazar datu in Babel tatua.

DANIEL 8:25

Popisí in sia moakaḷ, uboḷnea mita in mobaḻíbí. Sia in ḷumoḷatúbí, bo diábí in sia muna mobogoi in tompoingat momutú in sia kon mobayong in intau. Nodapotbí in sia mokobaḻí in monayow kon i Datu Inta Totok in moḷoben. Táe sia in rimumudonbí deemanbí mopomaké in ropot in intau.

ZAKHARIA 4:6

Malaekat tatua in nopotabá kon inakó mopotaau kon i Zerubabel in koyow i Tuhan tanaa, “Deemanbí pinodoyon kon ropot in tontara bo deemanbí doman pinodoyon kon ropotmu tontaní iko in mountung, táe noidoyonbí kon roho-Ku.

MATIUS 25:6

Naonda in noonggotdon kon doḷom dinongogmai oyúon in singog noguman nanaa, ‘Nonikaan niondon! Tontomudon in sia!’

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.

TESALONIKA 1 5:2

Sin kinotaauan bidon monimu kon singgai koangoian bui i Tuhan naonda bo singgai koangoian in mononakow kon wakutu in doḷom.

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.

SAMUEL 1 26:10

Podoyon kon i Tuhan inta nobiag, kinotaauankubí kon bain ki Tuhan tontaní in moḻimod kon i Saul, aka modapotdon in wakutunea matoi, andeka aka sia matoi kon poparangan.