AYUB 34:17 - Alkitab Singog In Mongondow Masa In Tanaa

¹⁷ Degá ki Allah inta moadil bo inta motorindog tua in potaḷáanmu? Degá kainimukamai dá doíbí in ki Allah in moadil?

AYUB 34:17 Mawu Ofanana

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

SAMUEL 2 19:21

Nokodongogmai kon tua in ki Abisai adí i Zeruya noguman, “Ki Simei in patusbí hukumon matoi sin sia ain nogodi-godimai kon i datu inta piniḻí i Tuhan.”

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

AYUB 1:22

Dá, umpaka in ki Ayub kinoantugan in bayongan bodito, diábí in sia nogaid kon dosa bo diábí nopotaḷá kon i Allah.

AYUB 34:16

Dá, aka iko moarip, taridiaibí, buká in bongoḷanmu bo indongogaidon.

AYUB 34:18

Ki Allah in mohukum kon datu bo pongawasa aka mosia in moraat bo moromú.

AYUB 34:30

Dá bangusa mita in diá mokopongonu in mogimaḷow kon inta moraat mongawasa.

AYUB 40:8

Degá bayowanmu in koadilan-Ku, bo mopobanar kon inimu bo mopotaḷá kon i-Nakó?

SURAT I PAULUS KON JAMAAT RUM 9:14

Aka natua yo onu in singogon naton? Diá moadil degá in ki Allah? Ki Allah in moadilbí!