AYUB 33:15 - Alkitab Singog In Mongondow Masa In Tanaa

¹⁵ Umpaka intau nosiug noḷoḷot kon dodai in doḷom, kon bonu in togoindop bo oontongon, ki Allah in mosingog.

AYUB 33:15 Mawu Ofanana

KINOBAḺIAN 15:12

Naonda in mata in singgai ain momangkoi tumoyop, ki Abram in noḷoḷot. Bo daḻíbí in sia inagían totok in ondok.

KINOBAḺIAN 20:3

Kon doḷom tobatú ki Allah nokipogontong kon i datu tatua kon bonu in togoindop, bo noguman, “Iko in matoi, popisí in ginamámudon in bobay tatua; sin sia ain bidon kobuḷoi.”

KINOBAḺIAN 31:24

Kon tungkuḷ in doḷom ki Allah namangoi kon i Laban kon bonu in togoindopnea, bo noguman, “Pokoingat dika mokoimontanmai iko mopogogondok kon i Yakub takin tosingogon tongáka totontagá.”

KINOBAḺIAN 46:2

Kon tobatú oontongon wakutu in doḷom, ki Allah noguman kon inia, “Yakub, Yakub!” “Ya, Tuhan,” tubagnea.

AYUB 4:12

Nokoimontandon in tobatú tosingogon in noiangoi kon inakó, naonda bo gombong mooyut kon bongoḷanku.

AYUB 4:13

Siugku in kinotuyayowannea, nádon onda bo sinumogoindop kon diá mopia kon sindip moromon.

YEREMIA 23:28

Nabi inta sinumogoindop mustibí moguman, ‘Naa in tongábí togoindop.’ Táe nabi inta nokouḻí kon koyow nongkon i-Nakó mustibí mopotaau in koyow tatua podudui in koyow inta mobanar tua. Gandum in diábí motaau potongkaion in wawa.

DANIEL 2:1

Kon doḷom tobatú, doyowa notaong naonda in ki Datu Nebukadnezar nomarenta, sinumogoindop in sia. Togoindopnea tua nokoajar totok kon ginanea, dá diádon in sia mokosiug bui.

DANIEL 2:19

Kon doḷom doman tatua ki Allah in nopotaau kon onu in togoindop i datu tatua kon i Daniel kon bonu in oontongon tobatú. Dá ki Daniel nodayow kon i Allah kon soroga,

DANIEL 4:5

Táe kon doḷom tobatú kon tungkuḷ in akuoi nosiugpa sinumogoindop in akuoi bo nokouḻí kon oontongon inta mokoḻia-ḻiaw totok kon ginaku.

DANIEL 8:18

Koyogot in sia mosingogmai, notambuḷoḷok in akuoi. Táe kinadaiannea in akuoi bo sinuḷungan pinosindog bui. Bo sia in noguman,

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

MATIUS 2:12

Bo popisí in mosia aindon kinoyowan kon bonu in togoindop sinbá donaaidon mayá bui kon i Herodes. Dá mosia nobuidon kon ḻipú monia tontaní táe nongin daḷan ibaneadon.

MATIUS 27:19

Wakutu in ki Pilatus ḻimitúpa mako kon baḷoi pongadilan, ki buḷoinea nongoyow kon inia, “Donaai iko dumugang kon pelekara in intau mopia tanion, sin lantaran Sia yo akuoi in sinumogoindop kon diá mopia in kogobíi.”

IBRANI 1:1

Dungkuḷmai in noyagi-yagimaidon daya i Allah in mosingog kon mogoguyang naton, singog-Nea tatua in pinoyaput pinongin nabi mita.