AYUB 31:27 - Alkitab Singog In Mongondow Masa In Tanaa

²⁷ Diábí kon dodai in onda in akuoi noibog kon inia, andeka inayokanku in ḻimanea sin mohoromat kon inia.

AYUB 31:27 Mawu Ofanana

DATU MITA IMITÁNEA 19:18

Táe 7.000 in intau in Israel in posaḷamaton-Kubí, mosia inta umuran mosatia kon i-nakó bo inta diá kon dodai in onda in sinumungkud nosumba kon patong i Baal andeka mongayok kon tua.”

AYUB 31:26

Diábí dodai in onda in sinumbaku in mata in singgai inta nonindar andeka buḷan inta nonimbayag nodarit.

AYUB 31:28

Dosa ná tatua in patusbí motarima kon hukuman matoi; sin ki Allah Inta Totok in mokawasa in sinaḷáandon.

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

YESAYA 44:20

Aid natua in notongkaibí in nokaan kon ḷobud. Intau tatua in pinoḷaḻe in raiannea inta bodok, nodapot in sia in diádon kinotuḷungan bui. Sia in diábí mokopongaku kon patong inta kinadaiannea tatua in tongábí pongakaḷ.

YEHEZKIEL 8:16

Dinia-Nea in akuoi kon dangkuḷon kon bonu in Baḷoi Tuhan. Kon diug in ngara tuotan kon yuang motusi, kon sigad in mezbah bo lorong, doyowa nopuḷú bo ḻima in intau. Mosia in nonoḻikud kon yuang motusi, bo dinumokó sinumayow kon pomukaan bo nosumba kon mata in singgai inta momuká.

HOSEA 13:2

Dapot in tanaa intau mita in Epraim tatua in tantúpa doman mogaid kon dosa; mosia in mogaid kon patong mita saḷaka sin sumbáan – patong inta sinomayá in raian in intau bo inta pinomia in ḻima in intau. Mosia in noguman, “Posumbadon in kuruban kon patong mita tanaa!” Mokoherang, intau in mongayok kon patong in ki adí in sapi!

SURAT I PAULUS KON JAMAAT RUM 1:21

Intau in nonotaau bidon kon i Allah, táe diábí i horomat monia in Sia saḷaku Allah bo mosia in doí doman mosukur kon i-Nia. Sin soaḷbí mita inta diá in mangaḻenea in raion monia; nosindipdon in gina monia.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

ULANGAN 11:16

Dika in moiko moibog poyayúon nongkon i Tuhan sin mosumba bo mogundoi kon ilah mita ibanea.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.