AYUB 31:15 - Alkitab Singog In Mongondow Masa In Tanaa

¹⁵ Sin ki Allah inta nopobaḻí kon inakó, in nomaḻí doman kon bobantungku mita tatua?

AYUB 31:15 Mawu Ofanana

NEHEMIA 5:5

Kami naa in intaubí doman in Yahudi! Ki adí nami in notongkaibí doman in adí mita in Yahudi inta ibanea! Umpaka natua táe nopakisadon in kami mopomayá mako kon i adí mita nami mobaḻí ata. Nodapot in oyúon in ki adí nami bobay in pinotaḷuidon nobaḻí ata. Kami in diá kodaya sin gobá in tudunea bo gobá in anggur nami in pinotomoyódon nami.”

AYUB 10:3

Onubí in untungnea aka Iko mopororiga nanaa, bo moḷumbú kon inta pinomia-Mu tontaní? Onubí in untungnea aka tarimaan-Mu in raian bo tomayá in inta mongoraat mita?

AYUB 31:14

Aka diá, yo naonda aka akuoi mayá kon i Allahku? Onu in potubagku kon dodai in Sia mamangoi mohakim kon inakó?

AYUB 34:19

Sia in doíbí dumotá kon datu mita, andeka mopouna in intau nooyúon nongkon intau nobogá. Sin mosia komintan in Siabí in nomaḻí.

AYUB 4:17

‘Degá intau in mobiag takin diá in taḷá kon tayowon i Allah? Degá diá in taḷánea kon mata i Inta nomaḻí kon inia?

MAZMUR 119:73

Ikobí in nomaḻí bo nomia kon inakó, ogoiaidon in akuoi in pomomangaḻe sin mobalajar kon parenta-Mu mita.

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

AMSAL 22:2

Intau nooyúon bo intau nobogá oyúon in notongkai kon monia: Ki Tuhanbí in nomaḻí kon i monia komintan.

YESAYA 58:7

Silaidon in kaanonmu takin intau inta gogoyon, tarimadon kon baḷoimu in intau mita inta diá kobaḷoi. Ogoiaidon in ḷambung in intau mita inta diá nogiḷambung, bo dika monoḻikud kon i utatmu inta paraḷu tuḷungan.

MALEAKHI 2:10

Kita naa in koamábí kon inta notongkai! Kita naa in binaḻí i Tuhan notongkai! Aka natua, yo nongonu sin mosiḻionganbí kon dodandian bo takin aid natua moḻiongdon kon dodandian inta pinomia i Allah takin mogoguyang naton!