AYUB 29:24 - Alkitab Singog In Mongondow Masa In Tanaa

²⁴ Nomomi in akuoi kon i monia kon dodai in mosia kinobuḻian in kamang; pogotku inta nosanang nokodugang kon ropot monia.

AYUB 29:24 Mawu Ofanana

KINOBAḺIAN 45:26

“Ki Yusup nobiagpa!” guman monia kon inia. “Sia in nobaḻídon pongawasa kon bayongan butá in Mesir!” Nokodongog kon habar tatua, sia in tongábí kibio-biómai, bo diábí pinirisayanea in tosingogon monia tua.

AYUB 29:23

Bayongan in intau motarima kon singogku mita takin sanang in gina, naonda bo monononggobá motarima kon uyan kon sempo in pononobur.

AYUB 29:25

Akuoibí in nobaḻí itoi, bo nonantú kon bayongan in tosingogon. Diniaku in mosia naonda bo datu kon yuak in tontaranea, bo iḻipoiku in mosia kon bonu in roriga in ginanea.

MAZMUR 126:1

Dondong mayá in Baḷoi Tuhan. Kon tungkuḷ in ki Tuhan nopoguḻí bui in kaadaan Yerusalem, kita in naonda bo sinogoindop!

MAZMUR 4:6

Posumbadon in sosumba inta kinoibog-Nea bo popirisayadon kon i Tuhan.

MAZMUR 89:15

Kooadil bo hukum in nobaḻí dodoyonan in dodatuan-Mu, tabi bo kososatia in noniata kon bayongan aid-Mu.

LUKAS 24:41

Bo kon dodai in mosia diápa basí mopirisaya, popisí in noiḻiudon pia in gina bo noherang, ki Yesus in noḻibó kon i monia, “Oyúon degá in kaanon kon i monimu naa?”