AYUB 29:14 - Alkitab Singog In Mongondow Masa In Tanaa

¹⁴ Motuḻid in aidku diábí in noitaḷá; pinosindogku onu inta moadil.

AYUB 29:14 Mawu Ofanana

AYUB 27:5

Dá, doíbí in akuoi moguman kon totuu in moiko; modapot in matoi umuranbí in akuoi moguman kon akuoi in diá kotaḷá.

AYUB 27:6

Akuoi in umuranbí kumadai kon kotoinduduiku, bo ginaku naa in umuranbí doman modarit.

AYUB 31:36

dá takin barani potaanonku, bo baḻíonku mahkota inta poḷutudku kon uḷuku.

MAZMUR 119:121

Akuoi in nogaidon kon inta moadil bo inta noitutui, dikabí kaasí ogoi in akuoi kon kawasa in musung.

MAZMUR 132:9

Igumon mako in umat-Mu monggiow pia in gina, bo imang-Mu mita in umuran mobiag podudui in ibog-Mu.

YESAYA 28:5

Ki Tuhan Inta Totok in mokawasa in mobaḻí karangan in bungang inta mogaga kon ki agat in umat-Nea.

YESAYA 59:17

Sia in mopomaké in koadilan bo kasaḷamatan nobaḻí ḷambung uatoi bo sapoyo uwaja. Sia in moḷongasi mopoguḻí kon kaadaan bo motuḻí kon aid diá moadil.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 62:3

Iko in mobaḻí naonda bo mahkota mogaga kon ḻima i Tuhan, mahkota in dodatuan kon ḻima i Allahmu.

ZAKHARIA 3:5

Sia in ḷagidon nopotabá kon mobobantungnea mita mopoḷutud serban inta nodarit kon uḷu i Yosua. Mosia in dinumudui bo onda intua pinopoḷutudon monia in ḷambung mobagu tatua kon inia koḷuka-ḷukad in malaekat i Tuhan.

SURAT I PAULUS KON JAMAAT RUM 13:14

Pomayádon mako bá ki Tuhan Yesus Kristus in monantú kon onu in musti aidan monimu. Bo dika dumudui kon ibog in awak inta baradosa naa sin mopoorop in onu inta koibognea.

KORINTUS 2 6:7

bo poḷat doman mopotaau in habar nongkon i Allah takin kawasa i Allah, pinoontongdon nami kon kami naa in mogogaid mita kon oaidan i Allah. Kami in kinumadai kon onu in kinoibog i Allah saḷaku ḷoḷutam nami kon moḷawang andeka pobela kon onu in inaidan nami.

EPESUS 6:14

Moiko in musti umuran mobasadia. Ginamu inta motoindudui kon i Allah aidaidon naonda bo abit bo gina motuḻid aidaidon naonda bo ḷambungmu uatoi.

ULANGAN 24:13

táe mustibí pobuionmu kon inia pomuḷoi in doḷom, sinbá motaau pakéonnea pomuḷoi in mosiug. Dá sia in mopoyaputdon in sukur moantó bo iko in koibogdon i Tuhan Allahmu.

TESALONIKA 1 5:8

Táe kita naa in intaubí inta nobiag kon singgai inta nobayag; manangka intua musti doman mobayag in raian naton, bo tantú mopirisaya kon i Tuhan bo mositabian doman bo umuran moharap kon bonu in pirisaya kon posaḷamatonbí i Allah in kita. Tuabí in ḷoḷutam inta pakéon naton moḷawang kon inta mosindip.

WAHYU 19:8

Pakeang moaḷus mobudó inta mopouḻi-uḻinag inogoidon kon i-Nia sin pakéon.” (Pakeang moaḷus tatua in oaidbí mita mopia inta pinomia in umat mita i Allah.)