AYUB 29:13 - Alkitab Singog In Mongondow Masa In Tanaa

¹³ Akuoi in dinayow in intau inta totok in mosusa, sinuḷunganku in intau mita inta dongka boba-bobay dá nobiag notompia in mosia.

AYUB 29:13 Mawu Ofanana

AYUB 22:9

Deemanbí tongá iko diá notuḷung kon intau boba-bobay mita, táe inta uno-unon in dinorotmu doman.

MAZMUR 67:4

Igumon mako bangusa mita in modayow kon ini-Mu, o Allah, igumon mako bayongan in bangusa mopoyaput in sukur kon ini-Mu.

AMSAL 11:26

Ki ine in momontuyung in odi-odianmai in intau, táe intau inta mopotaḷui intua yo sia tua in dayowonbí.

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

YESAYA 65:14

Totuubí, mosia in morogiow takin ḷunganga in gina, táe moiko in mongombaḷbí takin moajar in gina.

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

ULANGAN 24:13

táe mustibí pobuionmu kon inia pomuḷoi in doḷom, sinbá motaau pakéonnea pomuḷoi in mosiug. Dá sia in mopoyaputdon in sukur moantó bo iko in koibogdon i Tuhan Allahmu.

ULANGAN 26:5

Onda intua kon tayowon i Tuhan Allahmu, musti in iko mopoyaput in tosingogon mita tanaa: ‘O Tuhan, mogoguyangku naa intau in Aram inta nodondaḷoi. Sia nodia kon koluarganea minayá in Mesir bo nogutun kon tua nobaḻí mokokiangoi. Kon tungkuḷ in minayá intua mosia tongá topiḻik, táe mosia in nobaḻí bangusa inta moḷoben bo moropot.

PILEMON 1:7

Uḻe Pilemon utatku, tabimu kon bayongan in umat i Allah, nokosanangdon totok kon ginaku bo nokodugang domandon kon ropot in pirisayaku! Bayongan in gina in umat i Allah in pinosanangmudon.

RUT 2:20

“Adíku, intau tatua in ginaḷumbí naton modiug,” guman i Naomi. “Siabí tua in musti moindoi kon i naton. Poigumon mako ki Tuhan momarakat kon inia. Ki Tuhan in tantúbí mogintompod kon dandi-Nea, pinomayá kon intau inta nobiagpa ande kon intau inta ain minatoi.”