AYUB 21:33 - Alkitab Singog In Mongondow Masa In Tanaa

³³ Ribu in intau minaya sinumakin nogatod kon poḷobongan kon inia; takin pia-pia mako butá nomumbun kon inia.

AYUB 21:33 Mawu Ofanana

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

AYUB 17:16

Aka akuoi moponag kon dunia in intau minatoi, akuoi in diá bidon bui in kamang.”

AYUB 21:32

Sia in dinia kon poḷoḷobongan, bo binonu kon bonu in butá poḷoḷobongan; poḷoḷobongannea in iḷukadan bo sinompia.

AYUB 24:24

Tongá notoyong in sia in nobiag notompia, onda intua minayá in sia diádon nobuimai. Sia in noḷaḷow naonda bo bonok inta diá in baragunanea; naonda bo batoḷ in payoi inta iratab nongkon pangkoinea.

AYUB 3:22

Kobiagan mopia bain korasaan aka mosia in matoi bo ḷobongondon.

AYUB 30:23

Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

MOHOHUTUBA 1:4

Buí inta tobatú in mamangoi bo buí inta ibanea in moinggamá, táe dunia naa in umuranbí notongkai mako.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

MOHOHUTUBA 8:8

Diábí tobatúmai in mokotahang andeka momaḷui kon singgai kopatoiannea. Tuata in inta iramuji inta diá motaau poḷaguian, diábí in sia moiḷagui kon tua, umpakabí pongin akaḷ bo tombuḻitok.

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.